|
|
|
 Re: أرماجدون خرطومية....مشاهد من قيامة المواصلات(ضع أنت الصورة) (Re: بكري بشير)
|
(2)
فتاح ياعليم ، رزاق ياكريم..ز
من موقف الشهدا إلي(الخرطوم)، القوسان لأكون أكثر دقة.
بعد أن توهطنا في الهايس، سمعنا منادي من (الركيبة) ينادي: عربي الموقف القديم يا...وكررها واضحة لا لبس فيها ولا غموض، بما يوحي بكياجماعة انزلوا من هايسكم واركبوا هايسنا. وقد كان له ذلك.
نزلنا وركبنا.عندما وصلنا الخرطوم اتجه سيد الهايس نحو الاستاد لا تعتره على مقصده قشة!!!وبدأت الطنطنة: يا زول ما بي هنا. ياأبو الشباب انت ماشي وين؟ وخلافه من عبارات الاستنكار الضعيفة.
سيد الهايس انفعل وقال: انا ماقلتل الموقف القديم أنا قلت الكبري القديم.
حركة الاستهبال اثارت الركاب فانفعلوا بزيادة، احد الاعمام فش غبينته بيا حرامي، ونعى الأخلاق السودانية.
واحد من الشباب خاطب السائق بانكسار لطيف: يعني داك عربيتو أجد من بتاعتك، وكنت راكب جنب بت سمحة، يعني حأكون نزلت ليه؟؟
بتاع الحافلة واصل الاستهبال: لو مشيت الموقف القديم حيدفعوني 30 ألف.
وبحركة مسرحية أخرج (حديد) من جيبه: ياخ ما تجوطوا فينا ساكت، الداير قروشو يشيلها ويمشي.ولم يأخذ أحدا شيئا لزوم النخوة السودانية.
ونزلنا.
بتاع الحافلة راقب المنظر ظافرا، دردم سفته وهويقول: فلاحتكم فينا بس.
| |
 
|
|
|
|
|
|
|
|
Re: أرماجدون خرطومية....مشاهد من قيامة المواصلات(ضع أنت الصورة) (Re: بكري بشير)
|
(4)
على امتداد البصر ،أكوام البشر تغطي الأفق، من تقاطع الميريديان شرقا حتي صينية القندول غرباالتجمعات الحائرة واقفة. بيد تجفف العرق وباليد الاخرى تؤشر لاي دابة تمر بالشارع.
الكداري تعذر على كل كبير وسمين و زهجان.
على الرغم من ذلك اضطر الكثيرون لاكمال المشوار حتى الاستاد و (حي جاكسون) مشيا.خصوصا وأن اصحاب المركبات اتخذوا مسارات بعيدة عن قلب الخرطوم.
أصحاب الهايسات معظمهم يقف في مكان وسط خارج الموقف القديم وفي نفس الوقت لا يصل للموقف الجديد.
غايتو جنس تشبح!!!!!!!!!!!
| |
|
|
|
|
|
|
|
|
|
Re: أرماجدون خرطومية....مشاهد من قيامة المواصلات(ضع أنت الصورة) (Re: بكري بشير)
|
(5)
(التجارات الصغيرة) كاملة الحضور في الموقف الجديد.
الموية، تشاشة الجرايد،جماعة ورنش، فراشة المناديل، ستات الشاي......
و......النشالين.
ملحوظة: يوجد مجمع دكاكين جديد( ويوافق مواصفات تطوير العاصمة الحضارية) على يدك الشمال وانت داخل الموقف الجديد من المدخل الشمالي.
ياربي الحريف الاشترى بدري هناك منو؟
غايتو ناس تحويل الرصيد الجنب عمارة الدهب دقسوا.
| |
|
|
|
|
|
|
| |
فيس بوك
تويتر
انستقرام
يوتيوب
بنتيريست