|
أحبابي قولوا مبرووك: الرجاء المساعدة في معرفة معنى إسم البنية
|
الأحباب جميعا..
سلام ومحبة
صديقنا وزميلنا في المنبر ناصر موسى وزوجته وبعد إذن الله حيستقبلوا بنية جميلة بعد كم شهر.. كان أن أعجب ناصر في بوست العزيز ابوقوتة بتاع إختيار إسم بنًوته بإسم (ريناد).. المشكلة ما عارفين معنى الإسم .. يا ريت زول يجيب لينا المعنى وليه الحلاوة ..
مبروك يا ناصر وأم البنية مقدما..
* طبعا ناس الشمار حيدخلو عشان يعرفو رجا دي متييين عرًست وكمان بتجيب في بنية ..
تفاؤلو ..
|
|
|
|
|
|
|
|
Re: أحبابي قولوا مبرووك: الرجاء المساعدة في معرفة معنى إسم البنية (Re: Nasser Mousa)
|
مبروك اخونا ناصر موسى البنية ودى فرصة نعيد الاسماء الجميلة مرة اخرى حتى تعم الفائدة
لمـيس..... لـدن.......صــبا.......وشــيل.......ريناد روان........ سـنن.......ضــحى......اســيل........رهف وهــاد.... شـجن.......سـجى......ترتيـل.........جـودى وســن.... ليـان.......ربــا........تنزيــل.....زاريس عنــاب.... تالـين.....رفـــال......هديــل.......رذاذ رفــاء......شـادن....رجــاء.....ليــدا.........فــا ل نــــون .........................................عـــهد
الستة عشر.... شجن......لِيــدا.......وشِــيل........رِيناد سُـنن.......ضُـحى.....اســيل..........رهـف لُـدن.........ســجى....... تالـين....رذاذ لِيـان......رُبـــا......تنزيــل......شادن
الثمانية
شجن.......وشِــيل.... لِيـان
ضُـحى.....اســيل
لُـدن........تالـين....رناد
السِمى فاينال
شجن...........لــدن
لــيان.........رناد
معنى رناد :-
رِناد (وتكتب من دون الياء بالكسرة) ومعناه أشجار البخور او شجر طيب الرائحة وذكره ابن القيم فى كتاب تحفة المودود في أحكام المولود ،و مفرده رندا جمع رند والرند هو البخور اوهو شجر يكثر في الشام ذو زهور بيضاء ورائحه زكية:وقيل موطن الغزلان
شكرا رجاء على الخبر الجميل
| |
|
|
|
|
|
|
Re: أحبابي قولوا مبرووك: الرجاء المساعدة في معرفة معنى إسم البنية (Re: Raja)
|
سلام
صديقتي منذ الصغر وجارتي رينات امها المانيه وابوها سوداني ... فقط لا اعرف ان كان الاسم الاصلي رينات او ريناد...لكن كنا نناديها رينات. لم يخطر ببالي مره ان اسالها من معني الاسم...لكنه جميل.
من الاسماء الحلوه صديقتي وشقيقتها رهيد بكسر الراء و شقيقتها رونق...اعجبت جدا بهم.
ربنا يوصل العروسه بالسلامه وتشيل اسمها انشالله.
سلام
| |
|
|
|
|
|
|
Re: أحبابي قولوا مبرووك: الرجاء المساعدة في معرفة معنى إسم البنية (Re: غادة عبدالعزيز خالد)
|
الاخت / غادة سلام وتحايا واشواق قولنا نعملها ليك مفاجاءه رايك شنو في المفاجاءة ده
ام عن اسم شهد والله فعلا اسم حلو وربنا يحفظها شهد لي امها وابوها وعقبالكم انشاالله
وطبعا الاء اول ما شافت ردك في البوست على طول اتصلت عليك تلفون عشان تعتذر لكنها طلعت محظوظة وما لقتِك وبكده هي حا يكون ضميره ارتاح
المهم الامور جات سريع سريع وقولنا نخلى الاخت رجاء تساعدنا في المعنى بتاع اسم ريناد وكتر خيره كتير ما قصرت ولبت النداء وتحياتنا للعزابة المعاك ناس المعز والكباتن هاشم وشهاب
وتقبلي تحيات الاء والكابتن عبدالرحمن
| |
|
|
|
|
|
|
Re: أحبابي قولوا مبرووك: الرجاء المساعدة في معرفة معنى إسم البنية (Re: Raja)
|
العزيزة رجاء الموضوع طلع عود و مسواك يا ناصر شوفوا ليكم اسم تاني و التحدي قدامك ما ساهل لانه العروس القادمة باذن الله لازم يكون اسمها اكثر حداثة من اسم امها-الاء- مثلا حدالزين,ام حقين, امنحتب, كنداكة.. ما تستعجلوا الاسمين الاولين علي قاعدة -الشي ان فات حدة ينقلب لي ضده- من شدت قدمها اصبح مواكبة و الاخرين من اسامي حبواتها ملكات مروي السود,,اه عيبوهن لي.. عارف اقتراحاتي ما ح تلقي ترحيب حنواصل في اقتراحات جديدة.. و ربنا يحلكم بالسلامة.. lool
| |
|
|
|
|
|
|
|