|
Re: أبقــــاكِ مِــنى ( وما عليك ) .... (Re: هاشم أحمد خلف الله)
|
عزيزي عبد الله
تحياتي أيها المدهش
Quote: واقف خطاي إترنـْـحت من صبري فيك حضّــرتَ إحساسي القديم سطــَّرت بالحبر الورق دون ما أقيف واقف على شرف المداخل زي محارب بارزك .. مهزوم وغالبنى الثبات |
صدقني يا عبدالله ... هذه الأحرف .. دقَّتْ على نافذة الذكرى فوجدتني ذاك المترنح الصابر في الإنتظار المهزوز من خسارته المبارزة
عافاك
| |
|
|
|
|
|
|
Re: أبقــــاكِ مِــنى ( وما عليك ) .... (Re: ابو جهينة)
|
وتاني فرصة شوق شديد ما بِِعرف إلا الليل والشقى والألم يوم يعتصر ألمو ويكفكف دمعتو
لكنك من تكفكف الالم فقط لاحظ ان ايقاع هذه القصيدة دون قصائدك الاخرى يبدو لى مختل بعض الشئ لانك عودتنا على الايقاع المنتظم حاول ان تقرانى صحيحا (مابعرف الا الليل والشقى والالم ) لاحظ الانسياب حتى فى قراءة هذا البيت لا يضير ان اقول لك ايها الحبيب ان بعض الخلل قد وقع فى الايقاع ومن الممكن كما قلت لك مرة ان شعرك من النوع الذى يمكن سماعه مقروءا لكن هذا لا ينفى ان بعض النشاز قد شاب هذا البيت تحديدا لك مودتى
| |
|
|
|
|
|
|
Re: أبقــــاكِ مِــنى ( وما عليك ) .... (Re: سلمى الشيخ سلامة)
|
سلمى الشيخ
العزيزه
أجزم بأنى سعيد بمداخلتك التى كسابقاتهاتنضح معرفه وجمال وأفرح أيما فرح عندما يقومنى من هم المعرفه ذاتها..
وللحقيقه أوافقك الرأى تماماً فيما ذكرتينه ... لموسقى التناسب فى البيت المذكور آنفا ودعينى أبين لك أن خطئاً فى الطباعه قلب الموازين كلها إذ أن البيت السابق هو من فعل ذلك كنت مقدراً له أن يكون بحسب النطق
( ما بعرف إلا الليل والشقا والألم يوم يعتصر ألمو ويكفكف دمعتو)
لا حظى الفرق بين الشقى .... والشقا
وبصدق ينبع من أركان القلب القلب البعزك قدر كدا
بقراكِ صاااح لأنك صاح
وزى ما قلت ليك والله أنا أحوج ما يكون لهكذا دروس
وفى شئ تانى برضو بلقى نفسى متمرد جداً على توالى القافيه وذلك من تفاعل القلق الكامن فى قواى
لك التحيه والإحترام
ــــــــــــ أنتظرك لأدرك تدراك الأمر باكراً
| |
|
|
|
|
|
|
Re: أبقــــاكِ مِــنى ( وما عليك ) .... (Re: عبدالله داش)
|
داش ...
اديني ليك .. خليني اتامل ملامحك ... وارسم بايدي خطوط وشيك ... واسرح مع الصمت الخجول .. الخلى سيرتك حجوة في قلبي الموجع بفراقك ومشتهيك...
نسيني طعم الانتظار ... وملل الشوارع من خطاوي اتعودت بحتي الحفر ... وتعب الخواطر من هموم مشتاقة للحظة يقين وراحة من السفر ...
ازرعني جواك كوم حنين ... يشلع ظنون المستحيل ... ينتر ندى .. يوقد شمع .. يكسر متاريس المتاهة .. ينفخ رماد جمري الفتر من نعاس الريح وهضربة الكآبة ...
اديني ليك ... لاقيني فيك ... اعرفني بيك ..
| |
|
|
|
|
|
|
Re: أبقــــاكِ مِــنى ( وما عليك ) .... (Re: عبدالله داش)
|
Quote: أبقاكِ مِــنى ( وما عليك ) شوفى البحــر ناداكِ والموج إنحــرق غيره وشرود كل المواسم ترتجيك مستنياك تُطلي زي ضو الشموس يا حب شجـــى أزمتِ جواي المواقف ومشتهيك .. أدمــنت شوفتك في الخيال يبقى المحال .. كيف انسى .. كيف؟ |
ومســـأءءهـ لماذا؟ نسـياً منسيا أنت تسكرني بتمازجك ونسيماتك الخمرية تصهرني في بوتقة الحرية تزيبني في احضانك القوية لتعيد تشكيلي خيوط فجرك الندية أعــدها .. خيطــاً خيطــاً وفردية وأقف عند العقدة كقيمة ظليه ***** وأعود ولهفة اشتياقي لست عادية لست عادية .. بل جنونــــية تسرع لتدلق الاشواق بعربدية لا تهتم لنظرة النجوم بخـلسية تهتم بالشموع ..... وكمان المزهرية وتدير الاسطــوانه الموسيقــيه
***** خائفة .. من صــــــوت القمـــرية خائفة .. انبســــاق الصــــباحــية خائفة .. فرقتك حتى لو نهارية وتعــود بنفـس الـوترة النهجــية
***** عزاي ... عزاي .. مغــــيب شمـــس الصــباحية
ما أروعك داش ،،،،
| |
|
|
|
|
|
|
Re: أبقــــاكِ مِــنى ( وما عليك ) .... (Re: خالدة البدوي)
|
أسمع نداءً فى حوارى القلب صدفه ... ألمحك طوفان وإنسكاب الكأس وفق ضرورة الأشياء الترتيب يخذلنى التوقع ليتنى أبدو كما أسلفت رسم الكف ... لا يمحوه غسل الماء بالترتيب...
شكراً ... مواساة العزاء
الوريفه
خالده البدوى
أهلاً بيك معاى
ما تبتدينى وتســـهى ...! يسرقنى الزمن ماشيك ومنك فيك أشوفك دُكرى بارود القلب طُرقاعه طاريكِ وغشــاك
سعيد بيك لك الود
| |
|
|
|
|
|
|
Re: أبقــــاكِ مِــنى ( وما عليك ) .... (Re: عبدالله داش)
|
داشكو
تعي .. تماما .. انني .. احد .. الحقول .. التي .. يرهقها .. طول .. الانتظار .. كي تبلل ( ريقها ) .. من .. فيض .. هطولك.. بقدر ... هذا .. الجود ... وهذا .. العطاء... المشبع .. بالانين .. وبقدر .. ما .. تساهم .. به .. (جبر خواطر) .. المتلهفين .. وبقدر ... ما .. تخفف .. من .. عناءات .. طالت .. واوجاع .. تزامنت.. بقدر .. كل .. ما .. سلف .. احــــــبـــك
------------------ جاييك ... بس .. اتكرب ...!!!
| |
|
|
|
|
|
|
Re: أبقــــاكِ مِــنى ( وما عليك ) .... (Re: awad okasha)
|
الزول الضُل وحبيب الكل ابو عبده..
عااااارف متلوم معاااك شديد.. وغلاوة قصايدك ما تقول حاجة..
سلامات يا حبيب.. وكالمعتاد تغني علي ارهف اوتار القلوب فتطربها.. شكرا على هذا الجمال واشاطر الاستاذة سلمى في ان الفقرة التالية:
Quote:
ما بِِعرف إلا الليل والشقا والألم يوم يعتصر ألمو ويكفكف دمعتو
|
لا تشبه ايقاع القصيدة حتى بعد التعديل.. شوف ليها مخارجه ولا نزعل منك
ادييييك العافية يا داش يا دعاش
| |
|
|
|
|
|
|
Re: أبقــــاكِ مِــنى ( وما عليك ) .... (Re: عبدالله داش)
|
يا سلااام
يا بوحميد بن خليل
والله ليك محبة القلب كلها ولسملى الشيخ حظ كل الإناث
أوعدكم غداً صباحاً حسب التوقيت المحلى لمدينة الأشواق
ستجدون ما يليق بطموحكم لبناء الفكره لذروة إنفعال
ليكم متاهات القلب وأزقة الشريان
ــــــــــ
أتوقكم بكره
| |
|
|
|
|
|
|
Re: أبقــــاكِ مِــنى ( وما عليك ) .... (Re: عبدالله داش)
|
تعالي معاي نحدد إتســـاع الرؤيه نختار أي لون للزهره تصبح بكره هسا الآن وقبال أتوهم ودران مشربك فيك وعاجبنى الودر مادام بيشــرحنى وتفيض الأســئله
الأعــزاء
لكم النص بعد التعديل أحتاج نقاشكم
واقف .. وإنتظاري على محطاتك بيطول شَــديت ... أقــاوم في النعاس ملَّيت تدابير السكون أسرد تفاصيلك حُـجي أو بيت قصيد من ملحمه .. أسطورة الصمت الخجول زي لولوه .. منضومــه في عقد الخرز مسروقه من عمق البحار خايف عليك جد مشتهيك وإنت الأساس والصورة .. والطيف .. الأفول أنـده عـــليك ... يا فِــكره باديه الإرتجــال بين انشطار الرؤيه و الغيم الهطول واقف ... خطاي إترنـْـحت من صبري فيك حضّــرتَ إحساسي القديم سطــَّرت بالحبر الورق دون ما أقيف واقف على شرف المداخل زي محارب بــَارزِك .. مهزوم وغــالبنى الثبات وجـعى إنســرق فى اللحظه حسـيتك معاى قبل إرتحال الصدفه ليك شوفى الفـرق سحنة وشيك ضو الأصيل طعم الكرز ... نديان شـرَق من المغـيب ... شـــلع البرق غيمات تبشـر بى مجـيك فَـــرح السديم ... حسيت غُــناك بديت أهـــيم يا أمنيات عشقي العنيد يا كون مُــنمْق بالورود يا خِـــل وفي .. بيدور سؤالي عليك من زُخ المطر يا جــود سَــخي أبقاكِ مِــنّى ( وما عليك ) شوفي البحــر عاف الضفاف والموجا غطاها الفَــتر حتى المواسم ترتجيك تستنى من وهجك دِفــِـي يا ممكنه ... ويا مستحيل أزمتيِ جواي المواقف ومشتهيك .. أدمــنت شوفتك في الخيال يبقى المحال .. كيف انسى .. كيف؟ واقف .. تعبت من الولوج في عالمك قارنت عينيك بالكواكب والنجوم أنا جد ظلمتك أعذريني .. وإســتميحني السماح أنا جد ظلمتك بالشرود غرقان ومتوسِـــد إيديك والدمعه شلال الهموم راجى الصباح يصبح مصاف الرجعه ليك أبقـــينى منك بإرتياح وأبقــاك منى ( وماعليك )
| |
|
|
|
|
|
|
Re: أبقــــاكِ مِــنى ( وما عليك ) .... (Re: عبدالله داش)
|
الحبيب عبدالله
سلام على روحك الطيبة
غرِّد أيها الكروان فأنا أرتاد ركناً قصياً في دوحتك أتفرس في عصافير الكناريا وهي تردد معك عذب النظم والقصيد .. أتابع ويأتيني صدى روحك الطيبة حاملاً كل يوم رائعة من روائعك الرائعات .. سكرت من رضاب لمى الكلمات ..أرجوكم لا تفبقوني فماأنا راغب أن أستفق!!
| |
|
|
|
|
|
|
Re: أبقــــاكِ مِــنى ( وما عليك ) .... (Re: عبدالله داش)
|
الجميل /عبدالله داش..
إذا وعدتنى تقول القصيدة دى غدآ فى لقاء رابطة الصحافة....أوعدك بالمجىء وعى كمية من المناديل..
تحسبآ لآى ظرف طارىء والواحد لابد أن يكون جاهز...بأذن الله حضور..
تستنى من وهجك دِفــِـي يا ممكنه ... ويا مستحيل أزمتيِ جواي المواقف ومشتهيك .. أدمــنت شوفتك في الخيال يبقى المحال .. كيف انسى .. كيف؟ واقف .. تعبت من الولوج في عالمك قارنت عينيك بالكواكب والنجوم أنا جد ظلمتك أعذريني .. وإســتميحني السماح.............
وجع......يامسامح إنت...........خليك دايمآ مسامح يا تبقى ماسح يا تبقى تمساح..
مودتى.إسماعيل محمد احمد عباس.........
| |
|
|
|
|
|
|
Re: أبقــــاكِ مِــنى ( وما عليك ) .... (Re: ismeil abbas)
|
إسماعيل
الذبيح
.....
Quote:
إذا وعدتنى تقول القصيدة دى غدآ فى لقاء رابطة الصحافة....أوعدك بالمجىء ومعى كمية من المناديل..
تحسبآ لآى ظرف طارىء والواحد لابد أن يكون جاهز...بأذن الله حضور..
|
إنت تأمر أمر .. يا ســــيدى
تعل بنعطـر بيك ا لجو يا زول يا روح
.............. ....... .... ...
( دا كلو كلام بقولو ليك هناك )
أســـحن لى أبقى مسامح من أبقى تمسـاح
ولا كيف ..؟
لك الموده يا صديق
| |
|
|
|
|
|
|
Re: أبقــــاكِ مِــنى ( وما عليك ) .... (Re: محمد عبدالغنى سابل)
|
بوحمـــيد
صباح يشبه غــناك
Quote: الوغد ... فى رغد وثير يداعب حسناء ذات بهاء معتكف فى جزيره ما ( لا تسمع فيها صوت البط )
|
هاتفته ...
فى آخــر الليل
كان كما يجب أن يكون
ضاحكاً عابثاً لا يدانى الغياب الأكيد
مبروك لعثمان وأنا فرحان ليهو أكتر من روحو
سـابل
لك التحيه والمزاج الصحــو
| |
|
|
|
|
|
|
Re: أبقــــاكِ مِــنى ( وما عليك ) .... (Re: ismeil abbas)
|
Quote: وإنت الأساس والصورة .. والطيف .. الأفول أنـده عـــليك ... يا فِــكره باديه الإرتجــال بين انشطار الرؤيه و الغيم الهطول |
داش الغنا المنضوم عقد انت الاساس... والفكرة والريد البكر النمة والدوباى الحجوة واللولاى لى طفلا وديع حاضن الحكر نرجاك زى غيم الدغش ننده عليك مطر الضهر وتجينا فى كفك حنين ولهفة عمر .. وشوق السنين شكرا يا داش شكرا نيلين
| |
|
|
|
|
|
|
Re: أبقــــاكِ مِــنى ( وما عليك ) .... (Re: عبدالله داش)
|
Quote: واقف .. وإنتظاري على محطاتك بيطول شَــديت ... أقــاوم في النعاس ملَّيت تدابير السكون أسرد تفاصيلك حُـجي أو بيت قصيد من ملحمه .. أسطورة الصمت الخجول زي لولوه .. منضومــه في عقد الخرز مسروقه من عمق البحار خايف عليك جد مشتهيك وإنت الأساس والصورة .. والطيف .. الأفول أنـده عـــليك ... يا فِــكره باديه الإرتجــال بين انشطار الرؤيه و الغيم الهطول واقف ... خطاي إترنـْـحت من صبري فيك حضّــرتَ إحساسي القديم سطــَّرت بالحبر الورق دون ما أقيف واقف على شرف المداخل زي محارب بــَارزِك .. مهزوم وغــالبنى الثبات وجـعى إنســرق فى اللحظه حسـيتك معاى قبل إرتحال الصدفه ليك شوفى الفـرق سحنة وشيك ضو الأصيل طعم الكرز ... نديان شـرَق من المغـيب ... شـــلع البرق غيمات تبشـر بى مجـيك فَـــرح السديم ... حسيت غُــناك بديت أهـــيم يا أمنيات عشقي العنيد يا كون مُــنمْق بالورود يا خِـــل وفي .. بيدور سؤالي عليك من زُخ المطر يا جــود سَــخي أبقاكِ مِــنّى ( وما عليك ) شوفي البحــر عاف الضفاف والموجا غطاها الفَــتر حتى المواسم ترتجيك تستنى من وهجك دِفــِـي يا ممكنه ... ويا مستحيل أزمتيِ جواي المواقف ومشتهيك .. أدمــنت شوفتك في الخيال يبقى المحال .. كيف انسى .. كيف؟ واقف .. تعبت من الولوج في عالمك قارنت عينيك بالكواكب والنجوم أنا جد ظلمتك أعذريني .. وإســتميحني السماح أنا جد ظلمتك بالشرود غرقان ومتوسِـــد إيديك والدمعه شلال الهموم راجى الصباح يصبح مصاف الرجعه ليك أبقـــينى منك بإرتياح وأبقــاك منى ( وماعليك ) |
داش ياوريف ،،،
ده كلام يخلى الزول يغير القعده ،،،
| |
|
|
|
|
|
|
|