|
|
|
 Re: يا جماعة أنا كونت نفسي وبقيت خلاص للعرس بس في مشكلة واحدة !!! (Re: Esameldin Abdelrahman)
|
أيي أنا داير الأسئلة دي ..
أول حاجة ما تكون بيضاء تسر الناظرين ولا كمان سوداء تفقع مرارتم ..
بعدين برضو لا تكون أتوس ولا مجروس .. يعني أمكن كدة كريسيدا أحلى ..
وأهم حاجة ما تكوم طويلة زي الزرافة ولا قصيرة زي النعجة .. حاجة مناسية ..
تكون مستعدة في أي وكت تستحمل البري بتاعي لمن أكون زهجان وداير أنقرض ..
تكون أضانها موسيقية يعني ما شرطا تعزف عود .. كان بتسمع زينب الكدرو برضو تكون ما قصرت ..
جني وجن البت تقول ليها سوي لي شاي تقوم توصف ليك مكان الهبهان وين .. زي دي ما بتنفع معاي ..
تكون ما عندها أي علاقة بالسياسة .. يغني لو سألتها قلت ليها الحاج وراق دا منو ؟ دا منو ؟! تقوم تقول لي طوالي دا البورق الخضرة .. أقول ليها برافو واوديها عفراء أفسحا ..
جني وجن الفلهمة .. ما تكون من النوع البيفهم في الكورة نهائي .. ولا حتى كورة الشراب .. لإني لو إكتشفت عندها ميول زي دي .. برسلا بيت أبوها في يوم دخلتا ..
تكون طباااخة وبتحب العضة وبتعرف تطبخ البرياني والكبسة ولو عملت بيتزا تكون ما قصرت ..
ديل لو إتلموا في بت كفاية الباقي بجضمو ليها شوية شوية ...
| |
 
|
|
|
|
|
|
|
|
Re: يا جماعة أنا كونت نفسي وبقيت خلاص للعرس بس في مشكلة واحدة !!! (Re: معتز تروتسكى)
|
Quote: نذورى
هى هو عرس ولا اتفاقية بقط
اسى بعد الكتبتو ده بنديك لو جيتنا؟؟
يامان اختنا واحده واصغر البيت وبندلع فيها للطيش
بعدين هى عايزه تقرا
الخوف بعد القرايه تقول عايزه تحضر ولا تشتغل..
بتنظر ؟؟
|
يا مان والله العرس بقى صعب وإحتمالات الجهجهة كبيرة عشان كدة الواحد لا زم يكون تفتيحة من الأول في مسألة الإختيار ..
ياخي أنا قربتا أكتب في الشروط إني أطلع بيها تيستا ستة شهور قبل العرس
| |
|
|
|
|
|
|
|
|
|
Re: يا جماعة أنا كونت نفسي وبقيت خلاص للعرس بس في مشكلة واحدة !!! (Re: ShiningStar)
|
شايننق إذيك ..
Quote: المواصفات دي وديها لي موسي الترزي... ولا لملم القريشات و اشتري بيهن نضاره جديده....
قال بيضاء تسر الناظرين قال... خلاس يا توم كرووس...
الكلام علي الاخلاق....ياسجم الرماد
|
هسي مواصفاتي دي صعبة ولا شنو
والله المواصفات دي رااااااقدة لمن بايرة ..
ما عشان ما أنا توم كروز ما دايرا بيضا ولا سودا .. إنشالله لونا يكون كحلي
| Quote: الكلام علي الاخلاق....ياسجم الرماد |
هسي مواصفاتي القلتها كلها مافيها أحلاق !!!!
إستحمالا لي لببري بتاعي دا ما جمال أخلاق منها !!!
أضانا موسيقية دي ما أخلاق منها !!!!
تعمل الشاي وما بتوصف مكان الهبهان دي ما أخلاق منها !!!
وريق الخضرة بدل عرفت الحاج وراق دحن دي ما أحلاق منها !!
عدم الفلهمة وجهلها بي الكورة ما أخلاق منها !!!!
تكون يدها طاعمة وبتطبخ البرياني .. دي برضو ما أخلاق ...!!!!
خيرتيني والله يا شايننق المواصفات دي موجودة بي كثرة بدون ما أمشي للترزي
وإنشاللة لمن ألم في بنيتي دي تجي تقابليها كان ما لقيتي المواصفات دي فيها بعد داك أسعليني
| |
|
|
|
|
|
|
|
|
|
Re: يا جماعة أنا كونت نفسي وبقيت خلاص للعرس بس في مشكلة واحدة !!! (Re: ناذر محمد الخليفة)
|
ناذر يا اخوي مالك ... بتفتش لي المواجع ..؟
قال حكيم زمانه : القدامنا ما نصحونا والورانا ما شاورونا.....
تعرف سؤالك ده قلتو لي واحد صديق قبل كم سنة تعرف قال لي شنو ..؟
قال لي مالك كدا ما كويس ..؟
قلت ليه لا يا أخ انت عارف الموضوع من أولو لى آخرو وكلامي دا معاك ما هو شورى دا عشان تعرف انو الموضوع حيتم الشهر الجاي ..
قال لي : انت مُصر على الموضوع دا
قلت ليهو نعم
قال لي ..خلاص ولا تزعل تعال اديك واحدة بي وليداتها ولا تتعب كمان تسوي لي وليدات ..!!!!!!!!!!
طبعاً كانت دعابة جميلة منو
انا لا اقول لك مثل ما قال
لكن ارجو ان تتذكرني عندما تتكوم في اول حفرة تقع فيها
كامل تحاياي
عادل
| |
|
|
|
|
|
|
|
|
|
Re: يا جماعة أنا كونت نفسي وبقيت خلاص للعرس بس في مشكلة واحدة !!! (Re: ناذر محمد الخليفة)
|
شايننق والله إتلومت معاي عدييييل كدة
ياخي معقول أنا أعرس لي مرة قدر دي !!!
لييييه !!؟؟!! دي إلا أعملا ردمية للحوش عشان تحوش موية المطرة
وبمناسبة كشحة اللبن في حاجة نسيتا في الشروط ..
الهبالات والعوارات بتاعة كشيح اللبن ووقيع العروسة في الصبحية عشان أمسكا قدام النسوان دا برضو ما دايرو ولا بينفع معاي .. جني وجن زول يكشحني بي حاجة ..
ورقيص العروس دا زاااتو ما ينفع .. يوم الصبحية بسوق العروس لي أقرب حفلة عرس فنانا مكي العزوزاب أو فتحية تفتيحة .. ونقعد نرقص القرد برانا لي الصباح ولمن تتفرتق الحفلة بي شكلة ... مش عرسي ولا عرس زول تاني ..!!!
| |
|
|
|
|
|
|
|
|
|
Re: يا جماعة أنا كونت نفسي وبقيت خلاص للعرس بس في مشكلة واحدة !!! (Re: ناذر محمد الخليفة)
|
| Quote: والله المواصفات دي رااااااقدة لمن بايرة .. |
اكوت هي رااااااقدة لمن بايرة ... الجقلبه ليك شنو يا جنا..
امرق البرنيطه دي و اللبس جلابيتك و شيل القريشات والسودان طووووووويل...
انشاءالله تغلبه بلمال و تغلبك بلولاد....
| Quote: وإنشاللة لمن ألم في بنيتي دي تجي تقابليها كان ما لقيتي المواصفات دي فيها بعد داك أسعليني ... |
انا شن غردي ... بري ي ي ...
| |
|
|
|
|
|
|
|
|
|
Re: يا جماعة أنا كونت نفسي وبقيت خلاص للعرس بس في مشكلة واحدة !!! (Re: ناذر محمد الخليفة)
|
عادل إزيك ..
Quote: ناذر يا اخوي مالك ... بتفتش لي المواجع ..؟
قال حكيم زمانه : القدامنا ما نصحونا والورانا ما شاورونا.....
تعرف سؤالك ده قلتو لي واحد صديق قبل كم سنة تعرف قال لي شنو ..؟
قال لي مالك كدا ما كويس ..؟
قلت ليه لا يا أخ انت عارف الموضوع من أولو لى آخرو وكلامي دا معاك ما هو شورى دا عشان تعرف انو الموضوع حيتم الشهر الجاي ..
قال لي : انت مُصر على الموضوع دا
قلت ليهو نعم
قال لي ..خلاص ولا تزعل تعال اديك واحدة بي وليداتها ولا تتعب كمان تسوي لي وليدات ..!!!!!!!!!!
طبعاً كانت دعابة جميلة منو
انا لا اقول لك مثل ما قال
لكن ارجو ان تتذكرني عندما تتكوم في اول حفرة تقع فيها
كامل تحاياي
عادل |
غايتو إنتو إصلكم ما بتطمنو زول
غايتو نهاية البوست دا الواحد يا عرس يا كمان يكون عرس وطلق
| |
|
|
|
|
|
|
|
|
|
Re: يا جماعة أنا كونت نفسي وبقيت خلاص للعرس بس في مشكلة واحدة !!! (Re: ناذر محمد الخليفة)
|
يا شايننق
Quote: اكوت هي رااااااقدة لمن بايرة ... الجقلبه ليك شنو يا جنا..
امرق البرنيطه دي و اللبس جلابيتك و شيل القريشات والسودان طووووووويل...
|
ما مشكلتي أنا ما عارف محل راقدة ومحل بايرة
أنا يا دوب خلصتا من تكوين نفسي يعني ما حصل قبل كدة كابستا عشان أعرف محلهن ..
والمشكلة التانية إنو أنا أساسا في السودان .. وفي إحتمال ألقى المواصفات مغشوشة وما مطابقة للمقاييس .. يعني أمكن تكون سكدند هاند أو إستعمال كوريا
| |
|
|
|
|
|
|
|
|
|
Re: يا جماعة أنا كونت نفسي وبقيت خلاص للعرس بس في مشكلة واحدة !!! (Re: ناذر محمد الخليفة)
|
الاخ/ ناذر
انت براك فوته المولد والله كان فى جنس بنات حلاوة حلاوة سكر كمان وطاعمات وكمان خجلنات الواحده مقطيه جسمها بشمسية
تخريمة على وزن الغلاية رجاء العباسى (لها تحياتى)
فالوا واحد عروسه ليه بت عمه ويوم العرس اصحابه كانوا قاعدين معاه والعروس كانت شينه جدا واحد من اصحابه شاف ليه راجل شين شرط قام سأل العريس انته ده منو على طول العريس قال ليه ده ابو القدح القطينا قدحه.............ز
تحياتى
| |
|
|
|
|
|
|
|
|
|
Re: يا جماعة أنا كونت نفسي وبقيت خلاص للعرس بس في مشكلة واحدة !!! (Re: waleedi399)
|
أها يا جماعة انا جيت ...
بلدي يا حبوب
Quote: انت براك فوته المولد والله كان فى جنس بنات حلاوة حلاوة سكر كمان وطاعمات وكمان خجلنات الواحده مقطيه جسمها بشمسية
تخريمة على وزن الغلاية رجاء العباسى (لها تحياتى)
|
وين ديل !!!!!!!!!!!!!!!!
يغبوني ما شفتهم
إنتا قصدك في المنبر هنا ؟؟!!!
مشكلة بنات المنبر هنا إنهم بيخالفوا شرط عدم معرفة الحاج وراق ودي ما مشكلة ممكن إتجاوز عنها مع بت الحلال بشرط وضع ميثاق شرف بالقصة دي نمضيهو مع المأذون زيو وزي عقد الزواج في ورقة واحدة
| Quote: فالوا واحد عروسه ليه بت عمه ويوم العرس اصحابه كانوا قاعدين معاه والعروس كانت شينه جدا واحد من اصحابه شاف ليه راجل شين شرط قام سأل العريس انته ده منو على طول العريس قال ليه ده ابو القدح القطينا قدحه.............ز |
أهاأأأأأأأأأأأأأأأأأأأ !!!!!!!
ما أنا عشان الأمور دي عايز لي عروس ما عندها أي علاقة بي القدح أو القنفد بتاعنا ..
عشان لمن يحصل المقدور إتحلا من قصص القدح دي وقولة عشان خاطر عمك وعشان خاطر حبوبة جدك
محمد عثمان
| Quote: طيب ما تجرب الطريقة الهندية في الزواج: Arranged marriage |
أها دي زاتها جربتها وفشلت فيها ....
العزلوهم لي كلهم طلعوا دايرين يقرو
لكن الموضوع دا لو ما إتحلا بسرعة قطع شك ما شي الهند راسا عديل عشان أعرس من هناك ..
غايتو الهندية مطابقة لي شرط معرفة طبخ البرياني وعدم معرفة الحاج وراق
يا وليد
Quote: تحياتي .. والله مشاكلك كلها اتحلت ..
حتى مشكلة العروس .. طالما الخبر جاء هنا في سودانيز ..
اعتبرها اتحلت تب "دا ما موقع اخباري" بعد انسى الموضوع ..
العروس بتشم خبر وبتجي براااااااااااااااها.. لولللللل
|
عشان كدة الأيامات دي أنا خاتي رقم تلفوني وإيميلي في البروفايل
هسي راجي الصور عشان نعزل ...
| |
|
|
|
|
|
|
|
|
|
Re: يا جماعة أنا كونت نفسي وبقيت خلاص للعرس بس في مشكلة واحدة !!! (Re: معتز تروتسكى)
|
الأعزاء وليد وتروتسكي ..
غايتو أحدي هسي الإيميل ما قصر معاي شال كل الصور الوصلتو ....
وأنا شغال بخزنا في الجهاز وأمسح الصور من الإيميل ...
الصور الهسي جن ما بطالات وكل زولة بتحلف إنو دي صورتا الحالية !!!
الظاهر الفرز وتاعزيل حا يكون صعب خلاص والظاهر إني حا أعمل لي بوست عشان ....
إستشير الأمة دي في الإحتيار !!!!!!!!!!!!!!!
تروتسكي إتكيفتا ... !!!!
الليلة وش ضاحك مافي ... قررت أكون جادي شوية ..
| |
|
|
|
|
|
|
|
|
 Re: يا جماعة أنا كونت نفسي وبقيت خلاص للعرس بس في مشكلة واحدة !!! (Re: ناذر محمد الخليفة)
|
Quote: فوق للمرة الأخيرة وبعد داك .....
سأبلغكم بالقرار في بوست منفصل ...!!! |
داير تتهور وتنتحر مش
حذرتك ولا عذر لمن انذر
يا اعز غرام
يالهواك فاض بيى
انت والايام
اتفقتو علي
قلبى لما لقاك بددالاوهام
فوق ضلوع الليل شد وترو وهام
خوفى من دنيالك يبقى فيها ملام
زادى منك شوق
زادك الاحلام
ايه لزوم اللوم ماتفقنا خلاص
نسسى كل الفات نبدا بى اخلاص
نستشف حسنك فى عيون الناس
تبكى لما تفوح
ونكتم الانفاس
عمرى ليك براح فوق جراح ارتاح
مهما جرت علي عافى ليك سماح
كم عشنقنا هواك وعطرك الفواح
انت جاينى
تبدد الافراح
| |
|
|
|
|
|
|
|
|
|
Re: يا جماعة أنا كونت نفسي وبقيت خلاص للعرس بس في مشكلة واحدة !!! (Re: alfazia3)
|
وليد كيفنك ..
لا لا ما حدتا والله .. !!!!
هسي أنا إتحيرتا .. ما قايل الموضوع صعب كدي !!!
Quote: مع تحيات لجنة فرز الاصوات ..
معتز تروتسكي .. وليد
|
والظاهر بالجد إني محتاج لي لجنة زي دي
بس بعدين ما تطلعوا لي فيها عروس ونائبة عروس وإتنين يمثلوا الولايات
الفازع إزيك ...
والله مشتاقين كتير وينك يا راجل !!!!!
Quote:
اخوي ناذر
والبدله دي تبع العرس؟ |
دي البدلة البقشر بيها في الحفلات قلت أغير الصورة لزوم العروس (تعايني) من زاوية تانية ..
بعدين قلت ما في داعي أحضر العربية قبل الحصان
| |
|
|
|
|
|
|
|
|
|
Re: يا جماعة أنا كونت نفسي وبقيت خلاص للعرس بس في مشكلة واحدة !!! (Re: ناذر محمد الخليفة)
|
هوي يا عادل هووووووي !!!!
Quote: ناذر يا حبيب
هوي منو الجاب سيرة الشيوعيات هسي..؟
الشايفن ديل اخوات العريس وكدا
انت ما شايف كويس ولىّ شنو..؟
بعدين شفت شنو عشان تقول لي الفيك انعرفت ..؟
اياك تكون فاكرني شايل لى علم كحلي ولىّ بظبط في الساوند سيستم..؟
شوف هضربة العزابة بالله ..؟ قال انعرفت قال!!!!!!!!!!!! |
يا راجل القدامي ديل من حزب الخضر ولا شنو ؟؟!!
إنتا داير تجيب لي الهوا في البوست دا ولا شنو
بعدين ياخي أنا قلت داير أعرس تجيب لي مناضلات !!!
هو النضال دا ورانا ورانا ولا شنو
عادل هووووويي أوعك تعمل لي فيها تفتيحة ...
أنا الأمور دي ناقشا كويس
جبت لي الهواء هسي يجوني ناس طايرين يختو لي لنكات عن دور المرأة في النضال ضد الدكتاتورية الشمولية
عندك لي عروس قولا ما عندك أسكت ساكت
| |
|
|
|
|
|
|
|
|
|
Re: يا جماعة أنا كونت نفسي وبقيت خلاص للعرس بس في مشكلة واحدة !!! (Re: ناذر محمد الخليفة)
|
يا زول ها .. لخبطة شنو ؟؟؟؟؟؟؟؟؟؟؟
من هسه قبل ما تعقد جاي تقول لخبطة وما لخبطة؟ نحن بناتنا بنعلم نظارتهم بحبل عشان جنس الكلام دا !
والله ما فضل الا تجي بعدين وتقول رجعوا لي نظاراتي بتكم شالتها !
وبعدين موضوع العدسات دا هو طلبها .. وكمان عايزه منك تعهد كتابي إنك لو في يوم جاتك صلعة زي صاحبك معتز تعمل زراعة شعر. قلتليها دا "لتقراج بروم" ما جابت ليه صلعة .. صلعة شنو تاني البتجيهو .. لكن برضو هي مصره ..
| |
|
|
|
|
|
|
|
|
|
Re: يا جماعة أنا كونت نفسي وبقيت خلاص للعرس بس في مشكلة واحدة !!! (Re: alfazia3)
|
| Quote: وبعدين موضوع العدسات دا هو طلبها .. وكمان عايزه منك تعهد كتابي إنك لو في يوم جاتك صلعة زي صاحبك معتز تعمل زراعة شعر. قلتليها دا "لتقراج بروم" ما جابت ليه صلعة .. صلعة شنو تاني البتجيهو .. لكن برضو هي مصره .. |
أول حاجة توضيح ...
معتز الهنا دا ما معتز تروتسكي دا واحد تاني
تروتسكي عارفنك شعرك لحدي رقبتك ونخرتك .. معتز التاني دا ولدنا بتاع الهند
بعدين يا محمد أنا أساسا قبل ما أعرس حا أدخل روحي عمرة .. ماشي القاهرة أعمل لي شد قزحية بالليزر وزراعة شعر وكم سمكرة داخلية كدة وبي كدة نكون غنت9هينا من موضوع النضارة والصلعة ..
اللنقراش بروم ما جابت لي صلعة لكن والله خايف بتك الجايبا لي دي هي التعمل لي صلعة..
كدي النشوفة بالأول !!ّ!! أمكن هي زاااتا عندها صلعة َ
| |
|
|
|
|
|
|
|
|
|
Re: يا جماعة أنا كونت نفسي وبقيت خلاص للعرس بس في مشكلة واحدة !!! (Re: عادل فضل المولى)
|
نذورى
ومعاك حافظ
تقطعوا فينى ساى
ناس حاقدين
شويه بروز على مستوى الراس يُقال له جلحات
يعنى الوسامه دى كلها ماشفينها بس لا حبت الفضا ده
ترى الشوك فى الورد وتعمى ان ترى فوقها الندى اكليلا. .
عدوله..
العروس ماعندك لكن
ماتقول لى كمان عربيه
لوووووووووووووووول
شبهينا وتلاقينا. .
الزميلات مالهين
الواحده تصحيك من الصباح بى ملتوف
ونضال من الصباح للمساء
| |
|
|
|
|
|
|
|
|
|
Re: يا جماعة أنا كونت نفسي وبقيت خلاص للعرس بس في مشكلة واحدة !!! (Re: معتز تروتسكى)
|
توسكي يا عب يا كبير
لما حكينا ليك حكاية الصيني - الما طلع كوز- الا بس مسلم واتزوج من بنات الجزيرة
قلنا ولدنا يعملا سدة بي سدة - يجيبها صينية
ونطلع تعادل مع شنغهاي وكدة
اتاريك انت ماشي بي الدرب التحت المودر نذوري
ياخي خليك تفتيحة شوية
الزول قلنا ليه سيب
قال لا
هسى انطبقن عليهو مرضين
حامد وسمير
TOO LATE PATION
ولى ّ ما كدا
وانت ان قلت لا
تعال بالماستر
العربية هينة
الكوري مالي السوق
وبالاقساط كمان
تسلم يا حبيب
| |
|
|
|
|
|
|
|
|
|
Re: يا جماعة أنا كونت نفسي وبقيت خلاص للعرس بس في مشكلة واحدة !!! (Re: معتز تروتسكى)
|
توسكي
مساء الخيرات وكدا
الليلة جاي متأخر
بالنسبة للموضوع بتاع القيدومة والذي منه
اخوك عندو 7 سنة ونص في القفص النحاسي
دي واحدة
التانية
انو الزول بتاع السعودية ما بتلقوا ليهوا اسبيرات عندكم
تايوانية وكدا
الثالثة
التسته البعملا نذوري دي شنو
الا اني ماني فاهم الواحد يورط نفسوا في مشاكل خصوصا انو (ادريس) قالوا لابد في شنط (..) والعربات المظللة
وبعدين التيسته احسن تكون في الساوند سيستم
لانو (ادريس) كان لحق لصق فيك الا المقابر
حمانا الله.
ابو المقتدى
| |
|
|
|
|
|
|
|
|
|
Re: يا جماعة أنا كونت نفسي وبقيت خلاص للعرس بس في مشكلة واحدة !!! (Re: waleedi399)
|
هوي يا جماعة إنتو شكلكم دايرين تتونسوا ما دايرين تشوفوا لي حل ...
Quote: تقطعوا فينى ساى
ناس حاقدين
شويه بروز على مستوى الراس يُقال له جلحات
|
أنا عشان كلامك دا قلت ليك أنحنا ما قاصدينك قاصدين معتز بتاع الهند ..
بعدين إنتا ماعارف الجلحات لمن تتطور وتتأكل بتبقى شنو !!!
يا وليد ..
Quote: دي لجنة تشكيل الدستور اصلو .. بقت فيها وزارات وولايات ..
كان ختيت الريحة .. عوجة بتجيك مافي اسأل خبير |
سمح أها سألتك يا الخبير يلا وريني أعمل شنو
| |
|
|
|
|
|
|
|
|
|
Re: يا جماعة أنا كونت نفسي وبقيت خلاص للعرس بس في مشكلة واحدة !!! (Re: ناذر محمد الخليفة)
|
| Quote: وبتاعت الديك والله ما سمعتها عليك الله احكيها لي إنشالله بالراندوك |
اها لو جاء واحد قاري لغات وقام نقشها ، ح يودوني للناظر طوالي ، ونقعد في الجهجة والاعتذار او اقوم ارسل ليك وتقوم انت تفتح بوست عاجل جدا جدا جدا وتقول فيه كلمة السر بتاعة عصام سرقوها واي كلام ظهر تحت اسمه هو ما مسئول عنه ، وي المراقة الوحيدة .
لو فتحت الايميل هسع بتلقي فيه النكتة .
رايك فيها شنو ؟
ما تحكيها لي زول
وحاة الله حكتها لي بنية في السودان قبال سنتين .
| |
|
|
|
|
|
|
|
|
|
Re: يا جماعة أنا كونت نفسي وبقيت خلاص للعرس بس في مشكلة واحدة !!! (Re: معتز تروتسكى)
|
عصام !!!!
إنتا زغتا ولا شنو ؟!!!!
أنا لحدي هسي منتظر النكتة في الإيميل وما رسلتها !!!
إنتظار العروس خليتو .. انا هسي في إنتظار نكتتك دي
يا تروتسكي ...
Quote: ناذر الليله استاذ هشام وجاك
معناها ياعرسته ياعرسته. .
|
هشام شغال مأذون وانا ما عارف ولا شنو
ولا يكون شغال في وكالة بتاعت زواج زي الفي الهند ديلك
يلا يا خال هشام .. ورينا شطارتك في الامور دي
| |
|
|
|
|
|
|
|
|
|
Re: يا جماعة أنا كونت نفسي وبقيت خلاص للعرس بس في مشكلة واحدة !!! (Re: ناذر محمد الخليفة)
|
Quote: سأختصر سكة هذا البوست الي تابوته ببوست
التوابيت الواجب تشييعها في الحال
- متوكل التوم و هو القاص الذي فـتح عليّ
باب شره عـندما قـدمتُ إلى هذا المنبر مجهولاً
إلاّ من قـلّة أهـل ومعارف. أرشيف ذلك السجال
الذي دار بيني و متوكل التوم حاضرٌ إليه
تمتد جذور كل مايحدث و Emailsاعتذاره قبل
عام في الحفـظ و الصون
- خدر و ثـلة الفـَراش الدائر حول سراجه
الكابي
- ناذر محمد الخليفة
- حسين ملاسي
Shinteer
Humida
معتز تروتسكى
اساسي
WadAker
abuarafa
محمد الدقم
- سجيمان
-محمد حامد جمعه
- مريم بنت الحسين
- هاشم نوريت
-صباح أحمد
A.Razek Althalib
- سامى عبد الوهاب مكى
ShinningStar
-الرفاعي عبدالعاطي حجر
- عبد الحميد البرنس
-الملك
لم يتبقى لهذه الأقلام شيء سوى الهضربة
النهارية بلغة خبيثة ورعديدة
تتملـّص من قـبضة الكلبشات
أستثني كل الذين تراجعوا عـن الغي
إلى صراط مستقيم
أراقـب للاضافة سلوك بعض الأقلام
التي تـتقافـز بلا مبدئية من مربع
إلى آخر
النصر حليف الكلمة الطاهرة
|
تانى عرس واحلف باطلاق ياميت
ياتابوت..
| |
|
|
|
|
|
|
|
|
|
Re: يا جماعة أنا كونت نفسي وبقيت خلاص للعرس بس في مشكلة واحدة !!! (Re: عبداللطيف خليل محمد على)
|
يا تروتسكي ....
ياخ دا وكت لنك زي دا
جنك خلعات الليلة كمان شايفك شاري إسمي في عنوان بوست !!!!
والله إنتا يوم بتكتل ليك زول ..
عبد اللطيف ...
| Quote: يا ربي ناذر لقي العروس ؟؟؟ |
تتصور لقيت بدلا تابوت
في واحد رايو أنو بدل ما انوم في سرير الزوجية أحسن انوم في تابوت
طيب ياخي ما مشكلة التابوت خليهو يشوف لي نونة المجنونة ولا الساحرة سونيا تخش فيهو معاي
لا عرس يؤانسني في الحياة ولا عروس تؤانسني في التابوت !!!
كلموا لي الراجل دا بللاهي يشوف لي COMPANY
| |
|
|
|
|
|
|
| |
ناذر محمد الخليفة
معتز تروتسكى
معتصم الطاهر
هاشم نوريت
Elawad Eltayeb
عادل فضل المولى
بلدى يا حبوب
waleedi399
lana mahdi
alfazia3
خدر
عبداللطيف خليل محمد على
فيس بوك
تويتر
انستقرام
يوتيوب
بنتيريست