اصوات كتيرة عبرت سماء الأغنية فى السودان، "ما عايز أقول الأغنية السودانية"، بعض منها كانت أصوات عادية كتير منها أصوات عادية وما بتخلو من تطريب برضو، لكين القليل منها كان هو المميز واللافت والمتفرد يعنى أصوات مطربين زى سرور وعوض شمبات مرورا بعبد العزيز بوداود ووصلا الجابرى والخالدى ومحمد البدرى لحدى عاصم البنا واسرار بابكر، دى كلها اصوات غير عادية وفيها تفرد وتميز غير عادى
وفى قلب القائمة دى يجلس صوت جميل وشجى فيهو قدر عالى جدا جدا من التطريب وجودة الأداء وعذوبة النبرة، إبراهيم موسى ابا، واحد من أجمل خلق الله صوتا وحسا وإحساسا
يمكن كتير جدا من ناس الأجيال الجديدة ما يكون سمع بيهو وحتى لو سمع واحدة من أغنياته حتمر فيهو من غير ما ينتبه
وده العيب
وين الإذاعة، وين التلفزيون، وين الإعلام بوسائله وطرقه الكتيره الماليه البلد حاصل فارغ بس، وين الملتقيات والمراكز الثقافية
زول يورينى بالله متين سمع أغنية لإبراهيم موسى قريب فى الإذاعة أو أغنية لى أحمد فرح أو أم بلينة السنوسى أو ثنائى الجزيرة
ناس اثروا دنيا الناس بالجمال والسماحة وما بخلو عليهم بأى شى جميل ومفرح، وبقو منسيين
إبراهيم موسى ابا عاش فقير ومات فقير لكن حيظل غنى من أثرى الناس بى جماله وإبداعه وصوته الشجى المتفرد
وبرضو وين ناس كردفان كلهم، وين روابطهم ومراكز إعلامهم، أو حتى وين الإعلاميين منهم الممكن يخلو جذوة ذكرى ناس زى إبراهيم موسى حية ومتوهجة
وإبراهيم قطع شك ما كان حاجة عابرة ولا إسم إنكتب بقلم الرصاص فى كتاب الغناء عشان يتنسى
ويمكن الناس العايشو فترة السبعينات والتمانينات بتذكرو كيف إنه الأغنية الكردفانية بقت على لسان كل أهل السودان، وبقيت تلقى مقاطع من أغنيات أو إسم أغنية منها مكتوب على خدود "البكاسى" وعلى صفحات البصات واللوارى فى بورتسودان ودنقلا وسنجة ونيالا وكوستى والخرطوم
ده كله تم على أيدى إبراهيم موسى ورفاقه السمحين المبدعين، عبد القادر سالم وصديق عباس وعبد الرحمن عبد الله، وناس فرقة فنون كردفان
فليه ننسى زول زى ده، وياريت الما مصدق كلامى ده، يمشى يفتش ويعيد سماع إبراهيم موسى عشان يسمع صوت يطرب الحجر
واهو نحن كده
دائما ننسى ونهمل الجمال ونعلى من شأن القباحة
06-01-2007, 02:27 AM
حيدر حسن ميرغني
حيدر حسن ميرغني
تاريخ التسجيل: 04-19-2005
مجموع المشاركات: 24694
حقا هو من اعذب الاصوات فى الغناء السودانى ويكفيه فخرا انه الفنان المفضل لدى الفنان الكبير الموسيقار محمد الامين الذى لاتكاد تخلو بروفه من بروفاته من اداء اغنيه لموسى ابا على العود فقط !!!! تسجيلاته القديمه جدا افضل خصوصا تلك المسجله بالابيض بمصاحبه عازفى فرقه فنون كردفان ربما لتمرن اولئك العازفين على النغم التراثى الذى يلحن موسى ابا جل الحانه عليه ومن الذين التفتوا لقيمه موسى ابا المحقق والمؤلف فى الموسيقى والغناء السودانى الاستاذ معاويه حسن يس الذى كتب اكثر من مقال عن موسى ابا اثناء حياته كما حاوره فى اكثر من مره وسيظهر كل ذلك فى الجزء الثانى لمؤلفه الضخم " تاريخ الغناء والموسيقى فى السودان" حيث خصص فصلا كاملا للتوثيق لموسى ابا منذ بداياته الفنيه اوائل الستين وحتى العام 1992 متحدثا عن الحانه وتاثره حيث اوضح ان متاثر كثيرا بالجابرى ربما بسب صوته الجميل الذى يتحرر كثيرا اثناء الاداء واحيانا يتحول الى اله بذاتها ترافق الالات الموسيقيه وكذلك ود المقرن... فى خارطه الفنانين السودانين يعتبر موسى ابا دفعه للطيب عبدالله وابراهيم حسين ولقد عرفته الاذن السودانيه قبل دخوله الاذاعه التى دخلها فنانا مكتملا .
06-02-2007, 09:26 AM
أبوذر بابكر
أبوذر بابكر
تاريخ التسجيل: 07-15-2005
مجموع المشاركات: 8544
سعدت حقا بمرورك الطيب، وبما حملته من أخبار مبهجة فالتحية عبقة للأستاذ معاوية على دأبه الجميل فى تكريس معانى الوفاء والإحتفاء بصناع الجمال فى كل مسيرة الفن والغناء فى السودان
وأجدد لك التقدير والتحية والمودة
06-02-2007, 06:33 AM
أبوذر بابكر
أبوذر بابكر
تاريخ التسجيل: 07-15-2005
مجموع المشاركات: 8544
نحن قوم نهدم صروح الجمال ونشيد خرائب القبح يهبنا الخالق نعما لا أعرف إن كنا حقا نستحقها نضيعها من بين ايدينا، جهلا ربما، أو تجاهلا
أحييك يا حيدر على مشاركتنا التحسر على ذبول أغصان دوحتنا الندية الوريفة
والتى فى كل يوم تنزوى فيها ومنها الخضرة
ومعك أشد على ايدى هؤلاء الذين يحرصون على توثيق وتمجيد من هم جديرين بالبقاء، لا بالفناء
فمثلهم لا يفنى ولا ينتهى
فإبراهيم الذى غنى "شوف جمال السودان فى بلدنا كرفان" وجعل منها تميمة وعنوانا لجمال لا ينقضى، نسيه حتى أقرب الناس إليه، وتجاهله من كان حرى بهم وضع إسمه ونحته على أعلى ذرى المجد
لروحه التحية والإجلال
ولك التقدير الوفير
06-01-2007, 12:37 PM
سلمى الشيخ سلامة
سلمى الشيخ سلامة
تاريخ التسجيل: 12-14-2003
مجموع المشاركات: 10754
ما دوامة هكذا غنى ابراهيم موسى ابا كروان الغناء السودانى كان احد المغنيين فى فرقة فنون كردفان لكنه اختار ان يظل فى مدينة الابيض ( بركب الكركابه بتدلى فى امروابة نهيدا طاعن دابه جننى وجن العزابة ) يا سيدى هلى تريد اذن ان تستمع الى مثل هذا الغناء فى اعلام (الناس ديل ؟) مستحيل بالقطع واليك واحدة اخرى افظع وقعا كنت فى زيارة لنادى الفنانين العام الفائت دخلت مكتب سكرتير النادى تفرست فى صور الاحياء والاموات فلم اجد (ابراهيم موسى ابا ، خليل فرح ، خوجلى عثمان ، مصطفى سيد احمد ، العميرى ، عبد الرحمن عبد الله (العازف)، محجوب عثمان ، الخير عثمان ، رمضان حسن ، صالح الضى ، التجانى مختار ، اسماعيل عبد المعين ، فاطمة الحاج ، منى الخير ، مهلة العبادية ، حسن سليمان ، احمد فرح ، سليمان عبد الرحيم (عازف ) زين العابدين احمد خليفة ( عازف ) والقائمة تطول وسالت عن هؤلاء فقال الذى رد على ان هؤلاء (عميرى ، مصطفى ) لم يكونا اعضاء فى نقابة الفنانين ؟؟؟؟ طيب الاعضاء اين صورهم ومعلومات عنهم ؟ اين تاريخهم ؟ من يعرف ان ابراهيم موسى ابا كان ابدع (ترزى ) فى سوق ود عكيفة فى الابيض ؟ وانه من اكثر الاصوات ندرة لتكوين ربانى لم يماثله احد ؟ لماذا ؟ بل ان الاذاعة ترمى بكل اشرطة الفنانين للمزابل وتحرق حشا الماضى والمستقبل برمى ارثنا الى المزبلة والذى يريد ان يتبين ذلك عليه ان يذهب الى الاذاعة ليشهد ان لا مكتبة لا مكتبه صوتية وحين كتبنا عن ذلك قال لى عوض جادين مدير الاذاعة السابق ( انتى الكلام المتخلف دا بتجيبيهو من وين ؟) لانى بكيت الذى بكيته الان ، لكن يبقى ان ابراهيم موسى ابا احد الذين ظلمهم الاعلام السودانى ايما ظلم لانه اعلام لا يعرف قيمة فنانيه
06-02-2007, 09:34 AM
أبوذر بابكر
أبوذر بابكر
تاريخ التسجيل: 07-15-2005
مجموع المشاركات: 8544
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة