مدينة جياد الصناعيه

مرحبا Guest
اخر زيارك لك: 03-28-2024, 11:01 AM الصفحة الرئيسية

منتديات سودانيزاونلاين    مكتبة الفساد    ابحث    اخبار و بيانات    مواضيع توثيقية    منبر الشعبية    اراء حرة و مقالات    مدخل أرشيف اراء حرة و مقالات   
News and Press Releases    اتصل بنا    Articles and Views    English Forum    ناس الزقازيق   
مدخل أرشيف العام (2001م)
نسخة قابلة للطباعة من الموضوع   ارسل الموضوع لصديق   اقرا المشاركات فى شكل سلسلة « | »
اقرا احدث مداخلة فى هذا الموضوع »
05-04-2002, 01:14 AM

waleed500
<awaleed500
تاريخ التسجيل: 02-13-2002
مجموع المشاركات: 6653

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
مدينة جياد الصناعيه



    المشروع مملوك لشركة سودان ماستر تكنولوجى
    تأسست الشركة عام 1993 كشراكة بين القطاع الخاص و العام
    أكملت الشركة الآن إقامة اكبر مجمع صناعى فى المنطقة و هو مدينة جياد الصناعية
    تقع مدينة جياد الصناعية فى ولاية الجزيرة فى منطقة الجديد الثورة و تحتل مساحة 15 كيلو متر مربع
    تحتوى المدينة على 3 قطاعات رئيسية هى قطاع الصناعات المعدنية، قطاع صناعات السيارات و الشاحنات و التراكتورات و قطاع إدارى.

    :قطاع الصناعات المعدنية

    مصنع الحديد و الصلب
    طاقته الإنتاجية 150 الف طن فى العام من حديد التسليح، زوى، سيخ, خوص يغطى 75% من حاجة البلاد

    مصنع الالمونيوم
    طاقته الانتاجية 4500 طن سنوياً من أسلاك كوابل الالمونيوم الكهربائية و قطاعات الألمونيوم المستخدمة فى تصنيع الأبواب و الشبابيك و الفواصل

    مصنع النحاس
    و طاقته الانتاجية 3 ألف طن سنوياً من أسلاك كوابل النحاس و القضبان و الشرائح

    مصنع الكوابل
    طاقته الانتاجية 4500 طن سنويا من موصلات الالمونيوم و 3000 من موصلات النحاس و ينتج كذلك كوابل التحكم و اسلاك التوصيلات إضافة لكوابل التلفونات

    مجمع صناعات المواسير
    يحتوى على 5 مصانع لإنتاج المواسير الملحومة طوليا و المستخدمة فى خطوط نقل البترول و مصنع المواسير الملحومة حلزونياً المستخدمة فى أنابيب أمدادات المياه، المشاريع الزراعية و الصرف الصحى و نقل خام البترول ومصنع المواسير الملحومة بواسطة المقاومة الكهربائية. و هناك مصنعان احدهما للتغليف و الآخر للقلفنة

    قطاع المتحـركات
    يتكون هذا القطاع من عدة ورش *
    ورش الكبس
    ورش تصنيع الهياكل الشاسى
    ورش تصنيع جسم المتحرك
    ورشة الطلاء

    خط التجميع
    به 6 خطوط للتجميع
    تجميع تراكتورات ماسى فيرجسون *
    تجميع 3 أنواع من شاحنات رينو الفرنسية *
    تجميع بصات المدينة و البصات السفرية *
    خط لتجميع العربات الصالون من شركة رينو الفرنسية *
    (SONATA - ACCENT)وتعاقدت الشركة مع شركة هيونداى الكورية لتجميع عربات
    تجميع الشاحنات الصغيرة اثنين و نصف طن *

    تبلغ الطاقة الانتاجية لكل الخطوط الانتاج 14 الف وحدة من التراكتورات، البصات، الحافلات، البكاسى و مختلف انواع الشاحنات

    القطـاع الادارى
    و يحتوى على اربع مبانى متعددة الطوابق لمكاتب الادارة و مبنى من 6 طوابق للابحاث و تنمية المشاريع، كما يوجد فندق به 72 غرفة وقاعة للاجتماعات و الاحتفالات

    مدينة جياد السـكنية

    تتكون من 1200 منزل للأسر و100 وحدة للعزاب .
    وتحتوى المدينة على مستشفى سعة 72 سرير و3مدارس ومجموعة أسواق وحدائق ومساحات للترفيه .

    الأستثمار فى مدينة جياد

    يتيح المجمع الفرصة للمستثمرين لإستثمار مثالى ومغرى حيث اكتمال البنية الأساسية للمشروع ومن حيث جدوى هذه الصناعات وما ستحدثه من ثورة فى الأسعار . وتتمثل فرص الإستثمار فى شراء الأسهم أو الإستصناع بكافة أوجهه .
                  

05-04-2002, 09:43 AM

Mandela

تاريخ التسجيل: 03-19-2002
مجموع المشاركات: 755

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: مدينة جياد الصناعيه (Re: waleed500)

    1ْ) الخرطوم العاصمه لا يخدمها نطام مجاري . بالعربي الخرطوميون وبقيه السوادانيين يتخلصو من الفضلات باسلوب بدائي


    السودانيين يا عزيزي وليد دايما يبدو بالفنشينق
    FINISHING

    مش كلن أولى بدل جياد التي تبيع سياراتها بعشرات الملايين أن تبنى مدارس ابتدايه و مصحات

    الجابريه تحيي الثورة
    بدل الجامع دايرين نقطه و مدرسه وسطى

    حميد
                  

05-04-2002, 10:07 AM

3bdo

تاريخ التسجيل: 02-05-2002
مجموع المشاركات: 1920

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: مدينة جياد الصناعيه (Re: Mandela)

    الاخ مانديلا
    سلامات
    (بدل الجامع عايزين نقطة ودرسة وسطي)
    عنك ما قريت يا أخي ... الجامع بتبدله بمدرسة ...الجامع اعظم مدرسة
    للاسف المدارس بقت تخرج اشباه متعلمين وبيقولوا كلام زي البتقولوا ده
    3bdo

    (عدل بواسطة 3bdo on 05-04-2002, 10:52 AM)

                  

05-04-2002, 10:34 AM

wadazza
<awadazza
تاريخ التسجيل: 02-05-2002
مجموع المشاركات: 5386

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: مدينة جياد الصناعيه (Re: 3bdo)

    وليد
    والسؤال...ثم ماذا بعد ..المشروع مكتمل ..فأين تذهب ايراداته وأرباحه؟؟؟؟؟؟؟؟
    هل تمت زيادة أوقية فى الرغيفة أم ألقمت محرومين مطحونين..وماذا يستفيد الشعب السودانى من هذه التنمية الأفقية أن لم تصحبها رؤى سياسية عمودية..تسعى لاطالة أمد الوطن لا تقصير أجله
    تحياتى
    ود عزة
                  

05-04-2002, 03:30 PM

DEEK_ALJIN

تاريخ التسجيل: 04-07-2002
مجموع المشاركات: 1622

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: مدينة جياد الصناعيه (Re: wadazza)

    الاخ وليد تحياتى


    جياد شركه ؟؟؟؟؟؟؟؟ والله دى معلومه جديده لانو انا كنت قايلها مشروع حكومى؟؟

    تانيا هل تعرف اخى وليد اصحاب ال 15 كيلو متر مربع دى ؟ ومن منو نزعت ؟ ولى صالح منو ؟ وكم اسره كانت بتزرعها عشان تعيش عليها؟ وهل تم تعويضهم ظ؟ وهل كان التعويض مجزى اذا تم ؟ وهل وجدوا البديل لهذه الاسر لتكسب قوتها ؟ واخيرا اضم صوتى الا الاخ ود عزه وين بتمشى القروش دى ؟ ومنو المستفيد ؟ وماذا استفاد منها الشعب المطحون؟



    ديك الجن
                  

05-04-2002, 04:02 PM

omarmahdi

تاريخ التسجيل: 02-17-2002
مجموع المشاركات: 567

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: مدينة جياد الصناعيه (Re: DEEK_ALJIN)

    الاخ وليد عاوزين بالله لو سمحت ظروفك انا تحدثنا في ما لا يقل عن ثلاث اسطر عن ترعتي كنانه والرهد
    الحصل فيها شنو
                  

05-04-2002, 04:11 PM

waleed500
<awaleed500
تاريخ التسجيل: 02-13-2002
مجموع المشاركات: 6653

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: مدينة جياد الصناعيه (Re: omarmahdi)

    الا خوان الاحباب
    ليكم التحيه معاها مليون سلام من بلدنا الحبيبه
    انتو لابعجبكم العجب ولا الصيام فى رجب
    هو مشروع وقلنا ليك تابع لجهه معينه بس على ما يبدو لى
    صرتو متل قوم سيدنا موسى
    وصدقونى لو جابو ليكم حضارة اوربا منقوله كما نقل عرش بلقيس عند سليمان
    بطالبو بى شى اخر
    المشروع مشروع متكامل اسالو الله ان المشاريع كلها تمشى على الطابع ده
    ما واحد يقول ترعة كنانه والاخر بيسال عن اصحاب المشروع الكان هنا ووووو
    فلنكن مع الصاح ولا موش كده
                  

05-04-2002, 05:29 PM

Yaho_Zato
<aYaho_Zato
تاريخ التسجيل: 02-05-2002
مجموع المشاركات: 1124

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: مدينة جياد الصناعيه (Re: waleed500)


    أنا أعتقد أن هذه المدينة عبارة عن بوابة فتحت للشعب السوداني لنمضي عبرها إلى آفاق أرحب....قد لا تكون فكرة جياد محبذة لدى بعض أفراد الشعب السوداني نظرا لعوامل متداخلة في هذه القصة، و لكن أنا أعتقد أن مصير مثل هذه المشاريع أن تعود بالفائدة على الشعب السوداني عاجلا أم آجلا... و على الشعب السوداني أن ينظر لها بهذه النظرة فيكون مساندا أو على الأقل محايدا في الوقت الراهن.

                  

05-04-2002, 06:05 PM

Sudany Agouz
<aSudany Agouz
تاريخ التسجيل: 04-28-2002
مجموع المشاركات: 9014

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: مدينة جياد الصناعيه (Re: Yaho_Zato)

    ألاخوة الأعزاء

    الكلام دايما سمح فى خشم سيده .. فعلا لا أدرى من ذا الذى قام بعمل دراسة الجدوى لمثل هذا المشروع .. فى اعتقادى ان هذا المشروع غير مجد .. وذلك لأبسط قاعدة من قواعد الجدوى المتعددة .. ألا وهى توافر المادة الخام .. ولا أظن أن السودان ينتج خام الحديد أو خام النحاس .. لأن مثل هذه الصناعات تتكلف مبالغ باهظة من حيث استخراجها من جبل أم من تحت الأرض .. وأغلب الظن ، هو القيام باستيراد الحديد الخام والذى يتأتى فى شكل كتل حديدية " BILLETS " ثم تدخل هذه الكتل داخل فرن حرارى ذى درجة حرارة عالية لعملية الصهر ثم السحب .. ولا أدرى ان كانت محطات توليد الكهرباء التى سمعنا عنها ستكون جاهزة .. لأننى سمعت ان الكهرباء ما زالت فى قطوعاتها المستمرة .. لأن لمثل هذا المصنع لابد من استمرارية التيار والا ياويل الصناعة .. طبعا لابد وأن يكون هناك " STANDBY GENERATOR " وما أكبر طاقته .. وقد يكون لدى السودان بعض المخزون الغير مركز من حديد الخردة .. وهذا يخلط بمعادلة دقيقة حسب درجة جودة الخردة .. حيث تضاف الى الكتل الحديدية داخل الفرن..
    المشكلة الثانية ألا وهى كيفية توصيل المواد الخام الى المصنع .. طبعا الحديد أثقل مادة .. فلابد وضع بسبة تكلفة النقل الى تكلفة الانتاج .. هذا ناهيك عن تكلف التسويق .. ترحيل المواد المصنعة الى المستهلك .. وخلافه .. وأخيرا نجد تكلفة الانتاج المحلى أعلى من تكلفة الحديد المستورد ..

    والله أعلم..

    أخوكم العجوز

                  

05-04-2002, 06:14 PM

waleed500
<awaleed500
تاريخ التسجيل: 02-13-2002
مجموع المشاركات: 6653

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: مدينة جياد الصناعيه (Re: Sudany Agouz)

    ياهو زاتو لك التحيه
    وياهو ده المنتظر من كل سودانى غيور على مصلحة بلدو

    سيدى العجوز
    لك حبى


    .. وأخيرا نجد تكلفة الانتاج المحلى أعلى من تكلفة الحديد المستورد
    يا حبيبى العجوز انا ما عاوز ارد عليك واقول ليك ان تكلفة المحلى
    اغلى من المستورد واى صناعه يا غالى لازم تدخل عليها اشياء من الخارج
    ولازم يكون هنالك ربح وخساره بس تعال وقارن بين المستورد والمحلى لو مسكت
    اى حاجه مستورده لازم تضع معاها حق الترحيل والجمرك لين ما تصل المحل المطلوبه
    الموجود فى المدينه الصناعيه حاجه ما بتتصور وبى اسعار فى متناول الجميع
                  

05-04-2002, 06:33 PM

Sudany Agouz
<aSudany Agouz
تاريخ التسجيل: 04-28-2002
مجموع المشاركات: 9014

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: مدينة جياد الصناعيه (Re: waleed500)

    ألأخ العزيز وليد
    جزيل الشكر لردكم السريع ..

    يا أخى أرجو أن أكون مخطئا فى تقديراتى ..
    لا أدرى .. من معلوماتى السابقة .. ان السادة " البربرى " كان لديهم مصنع لحديد التسليخ .. وكان دائم التوقف نسبة لبعض المعوقات ومن ضمنها ..تكلفة المستورد ارخص من تكلفة المنتج ..

    وطبعا أمنياتنا بالتوفيق ..
    فى زول يابا الخير لأهله ..

    عمكم العجوز
                  

05-04-2002, 06:41 PM

waleed500
<awaleed500
تاريخ التسجيل: 02-13-2002
مجموع المشاركات: 6653

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: مدينة جياد الصناعيه (Re: Sudany Agouz)

    لك التحيه مره اخره حبيبنا العجوز
    بى الفعل ناس البربرى كان المصنع كتير التوقف ود بيرجع للنسبه
    المستورد كانت بتكون بسيطه والتكلفه غاليه
    اليوم صارت الكميه كبيره والتكلفه قليله
    والشغله مدعومه من قبل الدوله للوصول لشى افضل وبى ايدى سودانيه
                  

05-04-2002, 07:05 PM

رومانسي

تاريخ التسجيل: 02-12-2002
مجموع المشاركات: 0

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: مدينة جياد الصناعيه (Re: waleed500)

    والله انها فخر لنا يحق لنا ان نفخر به
    اخواني لا ياخزكم العداء الاعمي عن مثل هذه الانجازات
    ان كان هناك شئ يحسب للحكومة فهو مشروع البترول وهذه المدينة الصناعية
    وعدة مشاريع تنمية اخري فهي ثروات قومية لهذا البلد المتعب ولا بد من جني ثمارها ولو بعد حين
    ارجو ان لا يغطي السواد علي كل ماهو جميل
    فالسياسة نقاط تحسب لك او عليك
    وهذه للحكومة فخر
                  

05-04-2002, 07:28 PM

khider
<akhider
تاريخ التسجيل: 03-17-2002
مجموع المشاركات: 2361

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: مدينة جياد الصناعيه (Re: رومانسي)





    الاخ وليد عاوزين بالله لو سمحت ظروفك انا تحدثنا في ما لا يقل عن ثلاث اسطر عن ترعتي كنانه والرهد
    الحصل فيها شنو


    يا وليد
    هانذا اعيد سؤال عمر مهدي مرة اخري و بعدين
    اخجل شوية و جاوب... و خلي ال....... بتاعتك دي
    الانقاذ ما محتاجة مهرج في البورد يروج ليها
    عندها تلفزيون بااااايخ
    و بتقول فية كل حاجة
    و بتدافع عن سياساتها فية
                  

05-04-2002, 07:34 PM

waleed500
<awaleed500
تاريخ التسجيل: 02-13-2002
مجموع المشاركات: 6653

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: مدينة جياد الصناعيه (Re: khider)

    اصلو ما ممكن
    اول مره اعرف الكلام ده بالله الانقاذ عندها تلفزيون وبدافع عن نفسهاا
    ههاهاهاهاهاهاهاهاهاه
    بس الجاب الانقاذ شنو يا خضر نحن بنتكلم عن اجياد وليس الانقاذ
                  

05-04-2002, 07:56 PM

Yaho_Zato
<aYaho_Zato
تاريخ التسجيل: 02-05-2002
مجموع المشاركات: 1124

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: مدينة جياد الصناعيه (Re: khider)


    الأخ العجوز...تحية طيبة

    و من قال أن السودان لا تتوفر فيه هذه المعادن؟....الشركات الصينية و المصرية تعلم أن هناك معادن في البلاد، و أنت لا تعلم؟!....هناك شركات قد تخصصت في الحفر و التنقيب، ودخلت الكسارات العملاقة البلاد و بدأت تقريبا.

    من الناحية العملية، فهذه المدينة ليس من شك في إمكانياتهاو إستراتيجياتها الحالية...و ليست وحدها القائمة في البلاد الآن، بل هناك شركات توازيها قدرة و مقدارا.

    و يا جماعة أحب أن أقول أن الصبر جميل، و أثر هذه المشاريع سيظهر عما قريب، و لكن يجب أن نمد يدنا لنضمن حصتنا من الآن....الوقوف من بعيد و النظر و التعليق لن يفيد الآن، علينا أن نعرف كيف نجاري الواقع.

                  

05-04-2002, 07:48 PM

Halema2
<aHalema2
تاريخ التسجيل: 03-10-2002
مجموع المشاركات: 1492

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
nogtat nezam (Re: waleed500)

    الاخ وليد ...
    سلام . . مع احترامي ليك يا وليد حقو ماتستهزأ بأراء الناس وكل زول في البورد دا حر ..والانقاذياخي ما حقتك برك لانها مطلعي روح الخلق دي كولها .
    وشكرآ لمعلومة جياد
                  

05-04-2002, 08:04 PM

waleed500
<awaleed500
تاريخ التسجيل: 02-13-2002
مجموع المشاركات: 6653

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: nogtat nezam (Re: Halema2)

    اى نقطة نظام تلك البتتكلم فيها عزيزتنا حليمه
    واى استهزاء طيب لو انا بستهزاء بى احد ده بتسميهو شنو يا سيدة نفسك
    يا بنت ابو حليمه

    هانذا اعيد سؤال عمر مهدي مرة اخري و بعدين
    اخجل شوية و جاوب... و خلي ال....... بتاعتك دي
    الانقاذ ما محتاجة مهرج في البورد يروج ليها
    ده بتسميهو ايه يا حليمه انتى وكنت اخالك حليمه
    لمن تتكلمى عن شى حاولى اتكلمى بصوره غير متحيزه
    اوكــــــــــــــــــــــى
                  

05-04-2002, 10:10 PM

khider
<akhider
تاريخ التسجيل: 03-17-2002
مجموع المشاركات: 2361

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: nogtat nezam (Re: waleed500)



    يا وليد حليمة ذنبها شنو ... ؟ مشاكلها ؟
    خلاص يا اب راس ما تزعل ... معليش
    بس جاوب سؤال ود مهدي و ما تتزاوغ
    عن نفسي ما منتظر منك اجابة عارف انك
    ما بتقدر تجاوب سؤال زي دة ....ما بتقدر
    ... لكن عشان
    خاطر عمر و باقي الشباب الراجيين اجابتك
    يلا جاوب عمر كان بتقدر تجاوبو


    اخوك خدر الشين
                  

05-04-2002, 08:40 PM

elnjma
<aelnjma
تاريخ التسجيل: 02-05-2002
مجموع المشاركات: 280

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: مدينة جياد الصناعيه (Re: waleed500)

    اخي وليد .........بعد التحيه اشكرك على هالمعلومات القيمه وحقيقه مشروع مدينة جياد مشروع خالي من اي كلام وحبذا ان يقوم في السودان كم مدينه زيها وتأكد ان المشاريع الزي كده هي الر راح تنفع البلد ........اما ياشباب البورد البتتكلموا عن حكومة الانقاذ فأقول ليكم كلنا عندنا فيها رأي بس من المفروض اننا لانعترض عن المشاريع المتمكنه الزي جياد .....
    ولكم تحياتي .........زالنجمه

    وصراحه موضوعك 100%100
    وانا وحده من الناس الشفتا جياد شي غير متوقع يكون داخل المليون ميلوالله يكتر الاستثمار بدل الشهدااااااااء باي
                  

05-04-2002, 08:46 PM

3bdo

تاريخ التسجيل: 02-05-2002
مجموع المشاركات: 1920

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: مدينة جياد الصناعيه (Re: elnjma)

    سلامات يا شباب
    رغم اختلافنا مع الانقاذ فلها ابداعات منها مدينة جياد..اعرف شخص هولندي زارها قبل ثلاثة اشهر وعاد منها مندهشا ان تكون مدينة صناعية كهذه تكون في افريقيا
                  

05-04-2002, 09:32 PM

Mandela

تاريخ التسجيل: 03-19-2002
مجموع المشاركات: 755

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: مدينة جياد الصناعيه (Re: 3bdo)

    كان ضحويه
    و كانت عين شمش الله قويه
    و كان الريس في عربيه
    هاانالو وهلجلنالو و لوحنالن بالطوريه
    فر عبايتو و هز عصايتو
    و بين زيقين علقنا اليافطه
    اليافطه أم زيق الدموريه
    الجابريه تحي الثوره
    بدل الجامع دايرين بوسطه و مدرسه وسطى




    الاخ عبدو
    في حلتنا يقع جامع النيلين و مسجد مدرسة المؤتمر و مسجد أخر غير بعيد لا أذكر اسمه قريب من شارع الاربعين
    و بعد ليله خريفيه مثقله بالسحب
    مصحة الحله جات واقعه
    و المصحه كانت عياده صغيره لتطعيم الأطفال
    و الطوارئ

    طوالي فوق ليها أنجزوا لينا جامع أحمل من كده مافي
    لكن للاسف فارغ . فنحنا في الحله بنتلم و نصلي جماعه في المكتن النحنا فيهو

    المهم عمك الذي تبرع لبناء الجامع شهرين و بقى وزير . يعني الجامع حاب حقه



    .........اذكرت كلامك ليا
    أنو في نلس لاعبين بالدين
    و ناس لاعبابا الامريكان

    حميد

    وصاحب جياد يلعب مع الأمريكان
    وناس الخرطوم يلعبو بالدين
    ونحنا الكرت البايظ


    تحياتي
                  

05-04-2002, 10:17 PM

waleed500
<awaleed500
تاريخ التسجيل: 02-13-2002
مجموع المشاركات: 6653

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: مدينة جياد الصناعيه (Re: Mandela)

    عندما تزور معاني الكلمة
    عندما تطمس معالم الحقيقة
    عندما تزور الحقائق
    عندما تحور الكلمة

    عندما تحجب الحقيقة عن الآخرين
    عندما تصم آذانك عن سماع الحقيقة
    عندما تعمي بصيرة غيرك عن رؤية الواقع

    عندما تفهم الكلام حسب هواك
    عندما لا تقبل الحوار العقلي

    عندما تكون كلمة الحق موجعة
    عندما تسيرك رغباتك الخاصة
    عندما يطغى شعورك على كلمتك
    عندما تطعن وتقذف
    عندما يملأ قلبك الحقد

    عندما تستغل نفوذك لصالحك
    عندما تصدر حكما قسريا
    عندما تجبر المحكوم على تقبله

    عندما تفتقد الي الشجاعة
    عندما تعجز عن المواجهة
    وعندما توضع النقاط فوق الحروف ...

    عندها ... تكتم انفاس الكلمة الصادقة بل ويبتر ما تجره هذه الكلمة من رؤى وتبصيــر ...

    وعندها ... يصعب جدا علي الكلمة الصادقة الثبات والتواجد

    ولكن .. ليس الجميع من يقبل الرضوخ الي تلك الاحكام الرعناء التى تفتقد الي المصداقية , الامانة , الشجاعة والاهم انها تفتقد الحق !

    دمتــم مبصـرين مغمضي الأعين !!

    مع تحيـــاتي
    وليد
                  

05-04-2002, 10:22 PM

waleed500
<awaleed500
تاريخ التسجيل: 02-13-2002
مجموع المشاركات: 6653

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: مدينة جياد الصناعيه (Re: Mandela)

    (عدل بواسطة waleed500 on 05-04-2002, 10:30 PM)

                  

05-04-2002, 11:49 PM

wa7shny
<awa7shny
تاريخ التسجيل: 03-02-2002
مجموع المشاركات: 850

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: مدينة جياد الصناعيه (Re: waleed500)

    التحية ليك اخي وليد والتحية للقائمين على هذا الانجاز الضخم ولكن برجع وبقول ليك عايزين رد على سؤال عمر مهدي
    تحيات ........واحشني
                  

05-05-2002, 07:57 AM

wadazza
<awadazza
تاريخ التسجيل: 02-05-2002
مجموع المشاركات: 5386

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: مدينة جياد الصناعيه (Re: wa7shny)

    ياو ليد البسألوك عنو ودمهدى وواحشنى ..هو مشروع جمعت تبرعات طائلة له على حد علمى من المغتربين طوال سنوات الانقاذ ...فما هو مصير هاتين الترعتين ؟؟؟؟؟؟؟؟؟؟؟؟؟
    تحياتى
    ود عزة
                  

05-05-2002, 08:20 AM

shammashi
<ashammashi
تاريخ التسجيل: 03-10-2002
مجموع المشاركات: 2278

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
ما حيرد (Re: waleed500)

    يا جماعة وليد دا أحسن زول بيكب الزوغة . ما تتعبوا نفسكم ساكت
                  

05-05-2002, 11:18 AM

khider
<akhider
تاريخ التسجيل: 03-17-2002
مجموع المشاركات: 2361

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: ما حيرد (Re: shammashi)



    الاخ وليد عاوزين بالله لو سمحت ظروفك انا تحدثنا في ما لا يقل عن ثلاث اسطر عن ترعتي كنانه والرهد
    الحصل فيها شنو




                  

05-05-2002, 11:36 AM

Halema2
<aHalema2
تاريخ التسجيل: 03-10-2002
مجموع المشاركات: 1492

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
neharkom saeed (Re: waleed500)

    الاخ وليد...
    صباح الخير...اها من امبارح مارديت علي اخوانك ديل لي حسع ...الله يقدرك يا اخوي ..
    اها ارقد عافيه
                  

05-05-2002, 01:42 PM

GamarBoBa
<aGamarBoBa
تاريخ التسجيل: 03-07-2002
مجموع المشاركات: 4985

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: neharkom saeed (Re: Halema2)

    الاعزاء…
    تعالوا لنفترض (إفتراضا) ان جياد مشروع قومي في صالح المواطن….
    ولكن لي ان اتساءل…

    أولا:لا أدري من اين أتي وليد بهذا البوست(يعني إجتهد فيه ام من كراس الشركة)فالامر يختلف (فلو كان من إجتهاده ما مشكلة لكن لو كان من دافتر الشركة دي حاجة غريبة بتكون)…انا اتساءل بدءاً ما معني ان هذا المشروع مملوك لشركة سودان ماستر تكنلوجي ،ثم انه شراكة بين القطاع والخاص…ما معني الملكية إذن لذلك المشروع مع وجود شراكة…ربما المقصود شيء آخر وسبحانك لا علم لنا الا ما علمتنا.
    ثانيا :يقول البوست الكريم : الشركة تتكون من اربعة قطاعات و ان الطاقة الانتاجية لقطاع الصناعات المعدنية (سيخ ، حديد تسليح ، غيره) 150000 طن من الحديد وتغطي 75% من حاجة البلاد. معني هذا ان السودان من حلفا الي نمولي ومن اقصي غربه الي شرقه يستهلك 200000 طن من الحديد سنوياً مع ملاحظة ان جياد نفسها مصنع لتجميع وصناعة آليات…وهذا يعني بدون مبالغات ان برج بنك السودان القائم غربي المقرن يتم تسليحه (بمروق النخل) مثلا. أو ان الناس جميعهم صاروا سكان (قطاطي) لان السيخ الذي يمكن ان تنتجه جياد يمكن ان يستهلك في مباني اصحاب السلطة الذين يطيلون في عمائرهم ليل نهار…
    ثالثا: في دولة كالمملكة العربية السعودية وبمستواها المعيشي، تصل مستويات مستويات تناقص مبيعات الحديد الصلب في العشرة سنين الاخيرة تبعا لسياسات السوق العالمية الي ادني مستوياتها مع وجود اكبر الشركات العملاقة عالميا (سابك) و تصل مديونية شركات السيارات لدي المواطنيين 4 الي سته مليار ريال اي ما يعادل اكثر من مليار دولار،(أكثر من ميزانية السودان) والمتوقع أن تصير عدد شركات السيارات في العالم بحلول العام 2006 خمسة الي ستة شركات فقط لمواجهة متطلبات الاسواق العالمية وسياسات منظمة التجارة العالمية ، والذي اريد ان اخلص اليه هنا ماذا يجدي مشروع مثل جياد في ظل تطورات كتلك في بلد كالسودان وتكلفة انتاج أعلي بكثير من تكلفة الشركة الام المصنعة لنفس المنتج. أضف الي ذلك ان السودان كسوق مغلق لا يمكن ان يستوعب انتاجية عالية ، والذي سيحدث هو ان جياد ستقوم بتقسيط (واتجهت بالفعل) منتجاتها وسينهال عليها بعض التجار للاستفادة من السيولة وبيعها بأسعار(مكسورة بلغة السوق) وتعج نيابة المال العام والمحاكم بالشيكات(الطائرة) ومصيرهم السجون لأنهم مجرمين والواقع الاقتصادي غير مذنب وسياسات عبدالرحيم حمدي ووزير العدل يجب ان تطبق بحذافيرها علي المواطن وليس مهما النشيج الاجتماعي والقيم الاجتماعية فهي كانت وذهبت حينما أتت لنا الحكومة الحالية بجديدها في هذا المضمار.
    رابعا:عندما تساءل البعض عن مشروع الرهد وكنانة إحترمت تساؤلهم لأسباب عديدة منها ان المرتجي من ذلك المشروع كان اكبر من الفائدة المرجوة من جياد نفسها،فليست جياد بقادرة علي تصدير الخضروات لكوريا ولكن كوريا تصدر له ولغيره سيارتها.واضف الي تلك التساؤلات أين شريان الشمال الذي يدفع سنويا مغتربوا الشمال لهذا المشروع الاف الدولارات …بدا هذا الطريق من امدرمان وقبل ان يصل ربعه يحتاج الي الصيانه والحوادث معروفة للكل ، واين مشروع سندس الزراعي والصافي جعفر واموال المغتربين.
    خامسا:هنالك مشاريع مشابهة لهذا المشروع سوداتل مثلا: لنقييم تجربتها.
    سوداتل بعد خصصتها فقط بثمانين مليون جنيه سوداني (هذا ما قاله محمد طه محمد احمد) يدفع اهلنا في السودان بمتوسط مليون جنيه سوداني لكل سبعة بيوت الخرطوم ومتوسط 12 بيت في المدن الاخري (مدني، عطبرة وغيرها ) ولا داعي للمناطق البعيدة التي وصلتها سوداتل بأذرعتها الاخطبوطية ليس تميزا وتفوقا ولكن سرقة لقوت الشعب في وضح النهار..فتخليوا كم بيت في الخرطوم واقسموا علي سبعة وكم بيت في المدن الاخري واقسموا علي 12 ، أما باقي الولايات النائية فلا تتعبوا انفسكم فهي لم تصلها التعداد السكاني لانها تعاني من التهميش والتنمية غير المتوازنة ويسكنها العشي الليلي والبلهارسيا والايدز وسرطانات النفايات التي وأدها نميري . وبعد هذا كله يقولون جياد ومصنع سيارات وغيره…(وزي ما بقول حميد…الناس بدل عن نقتها …التبقي ماهلة كرريقتها …التلقي فكة ريقتها ).

    سوداني عجوز ..لك التحية: اتمني ان تواصل النقاش عن جدوي مثل هذه الصناعات فيبدو انك متخصص علميا في هذا المجال ويا ريت بالارقام والاحصائيات فالمشاركات المدعومة بالاحصائيات هي ما قد تفيدنا هنا.

    لكم خالص الود
                  

05-05-2002, 05:14 PM

Sudany Agouz
<aSudany Agouz
تاريخ التسجيل: 04-28-2002
مجموع المشاركات: 9014

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: neharkom saeed (Re: GamarBoBa)

    ألأخ القمر بوبا

    عجبتنى بالحيل ,,

    ويقول المثل العربى .. " وقطعت جهيزة قول كل خطيب .. "

    وبالعامية نقول تيس ولا تور .. يقولوا أحلبوه .. "

    الحقيقة ، يا أخى ليست لدى أى أرقام .. ولكن عملى فى مجال ال " Turn-Key Projects / Machinery " منذ أواخر السبعينيات وأنا أتنقل من مصنع الى آخر ..وبحمد الله عن طريقى قامت عدة صناعات ومصانع .. والجدير بالذكر اننى أعشق الصناعة .. من ماكينات الى مواد خام الى آخره ..
    ولهذا قلت للأخ وليد مشكلة السودان هى النظر فى أى موضوع " تحت الأقدام فقط " وليس بالتخطيط الطويل ألأجل .. عندما يراد أنشاء مجمع مثل هذا .. لابد وأن تكون المواد الأولية موجودة مسبقا .. هناك رد من الردود قال بأن هناك عدة شركات صينية مصرية داخلة فى عملية التنجيم والتعدين .. وأرجو أن يكون هذا من منطلق الجدوى .. والخطوه التى تلى انتاج المادة الخام .. هى توفيرها فى مكان المصنع .. وطبعا نحن نعلم أن السودان مترامى الأطراف .. هل هناك خطوطا للسكك الحديدية لنقل المواد .. والخطوة التالية هى حساب التكلفة .. ثم موضوع التسويق .. ثم النظر فى مسألة الصناعات المكمله لهذا النوع من الصناعة ..
    حقيقة يا أخى القمر بوبا .. الموضوع ليس بالارتجالية .. والعجيب هو وجود أكثر من صناعة.. حديد ونحاس .. الخ الخ .. ومن يدرى فقد يكونوا قد قاموا بدراسة كل المواضيع ..
    القمر بوبا.. الذى يحز فى نفسى عدم الامستفادة من خبرات الدول المتقدمة .. مثلا فى مسألة تخطيط المدن .. وأقرب مثال هو تخطيط امتدادات مدينى الخرطوم .. تجد عرض الشارع هو نفس عرض الشارع الذى أنشىء منذ عهد الأنجليز .. لا وجود لأى مساحة احتياطية للنمو العمرانى للخمسين سنة القادمة .. وما أرحب مساحة أراضينا .. ثم العملية ليست شوارع فقط وانما ما يتبعها من مجارى الصرف الصحى .. من كهرباء من مياه للشرب .. من مدارس .. من من مستشفيات من أسواق .. الخ الخ .. هذا ما يحدث فى الدول المتقدمة ..

    ]يا أخى أذكر فى أيام حكم الرئيس نميرى على ما أظن ..جاء رجل أعمال سودانى من ألمانيا الغربية .. عينه الرئيس حاكما لدارفور .. للأسف نسيت اسمه .. بدأ هذا الشخص فى التخطيط المدروس .. وفعلا كم من الوفود الألمانية قامت بزيارة السودان .. وفعلا بدأت الاستثمارات الأجنبية .. وبعد قليل .. سمعنا أن أخينا لملم عزاله ومشى .. لأنه لم يجد مقومات التخطيط والاستثمار الصحيح ..

    وللأسف هذه هى حالنا دائما .. واللى ما عنده ضهر ينضرب على بطنه .. يعنى المحسوبيات تدخل فى أى مشروع ..وليست الوطنيه .. حقيقة .. يا حليل ناس السيد الأزهرى .. وناس مبارك زروق .. وناس المحجوب .. وبانتهاء هذه النوعية الوطنية .. انتهى السودان ..
    اصدقنى القول يا أخى .. كثيرا ما تنهال أعينى بسائل مائى مالح الطعم .. أخاف أن أسميه دموعا أذرفها عن السودان وما يجرى به الآن .. لأننى عشت السودان الطيب .. وليس سودان التعصب ..

    آسف يا أخى لأننى خرجت عن الموضوع دون ارادتى..

    والله الموفق

    أخوك العجوز
                  

05-05-2002, 06:23 PM

Sudany Agouz
<aSudany Agouz
تاريخ التسجيل: 04-28-2002
مجموع المشاركات: 9014

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: neharkom saeed (Re: Sudany Agouz)

    أخوانى

    آسف من ألأخطاء المطبعية .. فكثيرا تتداخل الكلمات فى غير مواقعها .. العتب على العجز .. ولكن " اللبيب بالأشارة يفهم .. "

    أخوكم العجوز
                  

05-05-2002, 06:50 PM

waleed500
<awaleed500
تاريخ التسجيل: 02-13-2002
مجموع المشاركات: 6653

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: neharkom saeed (Re: Sudany Agouz)

    الاخون ودمهدى
    خضر
    واحشنى
    قمر بوبا حليمه
    لكم خوالص حبى
    ترعة كنانه صراحه ما عندى معلومات كافيه عنها ومتى ما حصلت معلومات اكيده
    سوف اوفيكم بها لاننى ما ممكن اعطيكم اى معلومات عنها وانا ما متاكد منها
    لكن بوعدكم وعد صادق باننى اعطيكم الحاصل عنها بكل صدق
    لكم تحياتى
                  

05-06-2002, 05:29 PM

GamarBoBa
<aGamarBoBa
تاريخ التسجيل: 03-07-2002
مجموع المشاركات: 4985

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: neharkom saeed (Re: waleed500)

    يأخوانا معقولة....
    خلاص يا وليد...اديناك مهلة تفتش الحاصل كلو في كنانة والرهد مافي مشكلة ننظر ....
    لكن شوف لينا معاك مشاريع تنموية تانية زي السد المقترح الجديد(سد مروي) في منطقة الشايقية والذي سيغرق 60% من الارث الثقافي والاجتماعي لمنطقة المناصير وجزء من الشوايقة عن 120 موقع أثري و170 كلم علي امتداد النيل سيذهبون الي الجحيم.وزي سد كجبار الذي رفضه النوبيين.
    منظمة الصحة العالمية في تقرير لها في العام 1992 سعت الي وقف السدود المائية لعدم جدواها صحيافهي تسبب امراض عديدة ومنها العشي الليلي(حلفا القديمة ما بعيدة)وتسوطن امراض لها صلتها بالماء الساكن ،بلهارسيا ملاريا وغيرها.
    إذا افترضنا ان السودان سيتفيد من هذه السدود اليست هنالك بدائل لتوليد تلك الطاقة؟؟؟التكلفة التي رصدت لسد كجبار وكان هذا السد بمثابة سد مرحلي فقط لتغذي توليد خزان كجبار ، قام هنالك باحثين بوضع دراسات جدوي بأن الطاقة الشمسية تكلفتها اقل من السد وهي مضمونة بيئيا وأجدي للمنطقة وللسودان لحفظ تراثها وثقافتها ولا مقارنة بين هذه وتلك...اللهم الا ان الحكومة دي زي العميان الادوه عصاية وقالوا ليه اضرب فهو بيضرب لكن من طرف وبس.
    وماذاعن دراسات الجدوي السرية التي لا تظهرها الحكومة وتعويض الاهالي ...نحن نسمع عن قيام مشروع ولكن ماذا عن المواطن المتضرر هناك.
    ماذا عن الاثر الاجتماعي للمهجرين قسرا.
    ماذا الامكانات الضخمة التي يجب تسخيرها لنقل تلك الاثار وليس سرقتها (كما فعل المصريون) في غرق حلفا.
    ================
    عمنا سوداني عجوز...
    انا سوداني من جيل التسعينيات...يعني تخرجت في اخر اعوام القرن الماضي...ذلك الوطن الذي تقول انه طيب ، لم نري منه شيء يذكر...

    سلأعود لك بالتفصيل ايضا...
                  

05-06-2002, 08:15 PM

Sudany Agouz
<aSudany Agouz
تاريخ التسجيل: 04-28-2002
مجموع المشاركات: 9014

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: neharkom saeed (Re: GamarBoBa)

    الابن مظفر

    لآتلوم الوطن يا ابنى انما تلوم القائمين عليه ..
    للأسف أنت أتيت متأخرا جدا ..أيام زمان كنت تمشى فى شوارع الخرطوم بعد الساعة 12 ليلا وترى الرائح والغادى .. لا شماشة ولا متسولين فى الشوارع .. بالطبع الا القلة..
    - زمان كان الجنيه السودانى له من القوة ما توازى 3 دولارات
    - زمان كانت الأمانة فى كل شيىء
    - زمان كانت عدم التفرقة بين مسلم أو مسيحى
    - وأخيرا زمان ما كان فى زول يفكر يمشى بره ويجهجه ويسيب أهله وأحبابه

    ولكن يا أخ مظفر .. لا بد من الصلاة والصوم.. وطلب المغفرة وتعديل الأحوال من رب العباد وخالق الكون .. والذى يقول كن فيكون .. هو القادر أن يغير القلوب ..
    وعندنا آية تقول:
    " ما ذا ينتفع الانسان لو ربح العالم كله وخسر نفسه"

    فلا تبتئس ..

    عمك العجوز
                  

05-06-2002, 08:17 PM

EXORCIST7
<aEXORCIST7
تاريخ التسجيل: 02-05-2002
مجموع المشاركات: 1103

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: neharkom saeed (Re: GamarBoBa)


    الأخ وليد
    لك كل التحايا والإجلال على هذا الطرح البناء وحرصك على السودان والشكر كذلك للأخ ياهو زاتو الذى أعجبنى بتعليقه الحضارى على الموضوع
    المشكلة يا أخوان نحن السودانيين رغم إشادة الشعوب بنا وبأخلاقنا لكننا شعب
    حقود حاسد جدا لا يحب الخير للسودان وشعب مخرب وصنف متعب جدا، لا يعجبكم العجب ولا الصيام فى رجب....كل هذة الإنجازات التى لا ينكرها إلا حاقد حقود ليس فى قلبه مثقال ذرة من وطنية !!! أنتم فى المعارضة مخربون وحاقدون ...لم تدمرون خطوط الأنابيب لم تفرحون لما يضرب مصنع الشفاء !!!! هل المعارضة تخريب وضرب المنجزات؟؟؟ أليس فيكم رجل رشيد ؟؟؟؟؟
    كأنكم بنى صهيون !! والله بنى صهيون فى النهاية حققوا حلمهم بإحتلال فلسطين وبيتعاونوا فيما بينهم ويتجاوزوا كل الخلافات من أجل المصالح العليا ولكن نحن الحقد أعمى بيننا كبير وبأسنا بيننا شديد !!! والله شئ مقرف ومثبط للهمم
    اللهم طهر قلوبنا من هذة الأحقاد والإحن
    أنا شخصيا لى إعتراضات على بعض حكم البشير لكن لا يعنى هذا أن أخرب بلدى وأعمل على تغويض كل المنجزات فقط لأنى معارض ومعترض على سياسات هذا النظام

    نظفوا قلوبكم من هذا الحقد الأعمى وتعلموا حب هذا الوطن ودافعوا عنه
    والسلام
    والله من وراء القصد

    (عدل بواسطة EXORCIST7 on 05-06-2002, 08:51 PM)

                  

05-06-2002, 09:15 PM

waleed500
<awaleed500
تاريخ التسجيل: 02-13-2002
مجموع المشاركات: 6653

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: neharkom saeed (Re: EXORCIST7)

    نهارك سعيد ايها الغالى
    لقد ريحتنى كثيرا خفت ان حب الوطن قد انعدم عند البعض
    لك يا غالى نعم ياهو ده السودان وديل اولادك يا وطن
    دمت ودامت كلماتك
                  


[رد على الموضوع] صفحة 1 „‰ 1:   <<  1  >>




احدث عناوين سودانيز اون لاين الان
اراء حرة و مقالات
Latest Posts in English Forum
Articles and Views
اخر المواضيع فى المنبر العام
News and Press Releases
اخبار و بيانات



فيس بوك تويتر انستقرام يوتيوب بنتيريست
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة
About Us
Contact Us
About Sudanese Online
اخبار و بيانات
اراء حرة و مقالات
صور سودانيزاونلاين
فيديوهات سودانيزاونلاين
ويكيبيديا سودانيز اون لاين
منتديات سودانيزاونلاين
News and Press Releases
Articles and Views
SudaneseOnline Images
Sudanese Online Videos
Sudanese Online Wikipedia
Sudanese Online Forums
If you're looking to submit News,Video,a Press Release or or Article please feel free to send it to [email protected]

© 2014 SudaneseOnline.com

Software Version 1.3.0 © 2N-com.de