الاسم: علي صديق علي الطيب
مكان الاقامه: ماليزيا
كيف هانت عليكم؟
زمان الليل كان بغني عندنا الليله الليل خلى الغنا
كنا عايشين في سعاده وما كان هامينا الكلا
الفرحه لامانا وكنا دايما في هنا
الليله الزمن ضيع فرحنا وبقى المال كل همنا
بحكو الكبار عن السعاده بنعرفا مجرد قصص
قولي ايه معنى الفرح قولي كيف اكون سعيد
انا كلما افرح وانبسط الاقيلي وجها عبوس
ينسيني لحظات الفرح كأن عدوه هو الفرح
شوف كيف اصبح زى حلم نفتش عن المال والكلا
يلاك نفتش للحقيقه عن سبب كل الحزن
كيف بقا الناس قساة ابيعو في الروح والحيا
وينا راحت ايام زمان وليه فات لم شملنا
وليه يالخرطوم تعبت وبعت الوان الحياه
رميت الزهور في المزبله وختيت شوك بدل الزهور
وين راحو صناع الحياة وما خلو في الخرطوم أثر
خلو للجيل الجديد أشواك تقطع في النحر
ملاحظه: القصيده لم تنته بعد واذا كان هنالك اية ملاحظات لا تتردد في اظهارها واشكرك جزيل الشكر لهذه المساحه والمبادره الطيبه منك لتعريف أعمال اولئك الذين لا يستطيعون تعريفها
